برطانوی شاہی جوڑے کے ہاں تیسرے بچے کی پیدائش اپریل تک متوقع

 لندن: برطانوی شہزادہ ولیم اور شہزادی کیٹ مڈلٹن کے ہاں تیسرے بچے کی پیدائش آئندہ برس اپریل تک متوقع ہے جس کی تصدیق شاہی محل کی جانب سے بھی کردی گئی ہے۔

غیر ملکی خبر رساں ادارے کے مطابق برطانوی شاہی محل کی جانب سے جاری کردہ بیان میں کہا گیا ہے کہ شہزادہ ولیم کی اہلیہ شہزادی کیٹ اس وقت اُمید سے ہیں اور جوڑے کے ہاں تیسرے بچے کی آمد اپریل تک متوقع ہے۔ تاہم بیان میں بچے کی پیدائش کی حتمی تاریخ اور اس کی جنس نہیں بتائی گئی ہے۔

یہ بھی پڑھیں:برطانوی شاہی جوڑے کے ہاں ایک اور ننھے مہمان کی آمد متوقع

The Duke and Duchess of Cambridge are delighted to confirm they are expecting a baby in April 2018. pic.twitter.com/jOzB1TJMof

— Kensington Palace (@KensingtonRoyal) October 17, 2017

اس سے قبل بھی کینسنگٹن پیلس نے اپنے حالیہ بیان میں بتایا تھا کہ شہزادی کیٹ کی طبیعت خراب ہونے کی وجہ سے جوڑے نے اپنا دورہ منسوخ کردیا تھا۔اس حوالے سے اہم بات یہ ہے کہ  پرنس ولیم برطانوی تخت شاہی کی دوڑ میں دوسرے نمبر پر ہیں جن کا ایک بیٹا پرنس جارج اور ایک بیٹی شارلے ہے۔ دونوں بچوں کی پیدائش سینٹ میری اسپتال میں ہوئی تھی جہاں خود شہزادہ ولیم بھی  1982 میں پیدا ہوئے تھے۔