ٹیکس لینے کے لیے ایف بی آر دفاتر اور متعلقہ بینک آج دیر تک کھلے رہیں گے

خصوصی رپورٹر  منگل 31 اکتوبر 2017
اسٹیٹ بینک آف پاکستان کو بھی باضابطہ درخواست کردی گئی ہے تاکہ ٹیکس دہندگان اپنے ٹیکس واجبات جمع کراسکیں گے۔ فوٹو : فائل

اسٹیٹ بینک آف پاکستان کو بھی باضابطہ درخواست کردی گئی ہے تاکہ ٹیکس دہندگان اپنے ٹیکس واجبات جمع کراسکیں گے۔ فوٹو : فائل

 اسلام آباد: ایف بی آر نے ٹیکس دہندگان کی سہولت کے لیے منگل کو تمام متعلقہ بینک برانچز اور ٹیکس دفاتر رات دیر تک کھلے رکھنے کا فیصلہ کیا ہے۔

ایف بی آر کے سینئر افسر نے بتایا کہ یہ فیصلہ ٹیکس دہندگان کی سہولت کے لیے کیا گیا ہے۔ ذرائع کے مطابق رات دیر تک بینک برانچز و ٹیکس دفاتر کھلے رکھنے کے بارے میں فیلڈ فارمشنز کو ہدایات جاری کردی گئی ہیں، اس کے علاوہ اسٹیٹ بینک آف پاکستان کو بھی باضابطہ درخواست کردی گئی ہے تاکہ ٹیکس دہندگان اپنے ٹیکس واجبات جمع کراسکیں گے۔

ذرائع کا کہناہے کہ فیلڈ فارمشنز سے کہا گیا ہے کہ وہ متعلقہ بینک حکام کے ساتھ لائزون رکھیں تاکہ ٹیکس دہندگان کی جانب سے جمع کرائے جانے والے ریونیو کو اسی روز قومی خزانے میں منتقل کرکے اس کی رپورٹ ہوسکے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔