کترینہ کے بعد ماہرہ خان کا کالا چشمہ پہن کر ڈانس

ویب ڈیسک  منگل 31 اکتوبر 2017
ماہرہ خان ان دنوں اپنی نئی آنے والی فلم ’’ورنہ‘‘ کی تشہیری مہم میں مصروف ہیں۔ فوٹوفائل

ماہرہ خان ان دنوں اپنی نئی آنے والی فلم ’’ورنہ‘‘ کی تشہیری مہم میں مصروف ہیں۔ فوٹوفائل

 کراچی: کترینہ کیف کی فلم بار بار دیکھو کے گانے ’’کالا چشمہ‘‘ پر ڈانس کرکے ماہرہ خان نے ایک بار پھر سوشل میڈیا پر تہلکہ مچادیا ہے۔

پاکستانی اداکارہ ماہرہ خان گزشتہ دنوں رنبیر کے ساتھ تصاویر منظر عام پر آنے کے بعد سوشل میڈیا پر لوگوں کی تنقید کا نشانہ بنی رہیں تاہم ان دنوں ماہرہ اپنی نئی آنے والی فلم ’’ورنہ‘‘ کی تشہیری مہم میں مصروف ہیں، نامور ہدایت کار شعیب منصور کی ہدایت کاری میں بننے والی فلم میں ماہرہ خان ایک نئے روپ میں نظر آئیں گی۔

اس خبر کو بھی پڑھیں : ماہرہ خان کی نئی تصویر نے سوشل میڈیا پر تہلکا مچادیا

پاکستانی اداکارہ ماہرہ خان ہمیشہ ہی سے مداحوں کی توجہ کا مرکز رہی ہیں اور کچھ بھی کریں فوراً ہی سوشل میڈیا پر اس کے چرچے ہوجاتے ہیں اور اس بار بھی ماہرہ خان کا کترینہ کیف کی فلم بار بار دیکھو کے گانے ’’کالا چشمہ‘‘ پر ڈانس سوشل میڈیا پر وائرل ہوگیا ہے۔

ماہرہ خان کی ایک ویڈیو انسٹاگرام پر آئی جس میں اداکارہ بات کررہی ہوتی ہیں کہ اسی دوران ’’کالا چشمہ‘‘ بجنا شروع ہوجاتا ہے، جیسے ہی گانا شروع ہوتا ہے ماہرہ کہتی ہیں کہ کالا چشمہ پوری دنیا میں چھایا ہوا ہے اور اس کے بعد اداکارہ کالا چشمہ پہن کر ڈانس شروع کردیتی ہیں۔

اس خبر کو بھی پڑھیں : ماہرہ خان کی فلم’’ ورنہ‘‘ کے ٹریلر کے بالی ووڈ میں چرچے

اداکارہ کی ویڈیو تیزی کے ساتھ ہی سوشل میڈیا پر وائرل ہوگئی ہے تاہم اب دیکھنا یہ ہے کہ کہیں ماہرہ کا یہ انداز انہیں کسی اور مصیبت میں نہ ڈال دے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔