اعتزاز احسن جارحانہ سیاست کا مشورہ اپنی قیادت کو دیں، چوہدری نثار

 اسلام آباد: مسلم لیگ ن کے سینئر رہنما چوہدری نثار علی خان نے کہا ہے کہ اگر اعتزاز احسن کو جارحانہ اندازِ سیاست پسند ہے توانھیں ایسا مشورہ اپنی پارٹی قیادت کو دینا چاہیے۔

چوہدری نثار علی خان نے اعتزاز احسن کے حالیہ بیان پر تبصرہ کرتے ہوئے کہا ہے کہ اگر اعتزاز احسن کو جارحانہ اندازِ سیاست پسند ہے توانھیں ایسا مشورہ اپنی پارٹی قیادت کو دینا چاہیے کیونکہ ان کی پارٹی کو ایسے مشوروں کی اشد ضرورت ہے۔ اعتزاز کے بیان پر اپنے تبصرے میں سابق وزیر داخلہ نے کہا کہ مسلم لیگ ن اور اس کی لیڈرشپ کے حوالے سے اعتزاز احسن کے انتہائی ذاتی بیانات ریکارڈ پر ہیں۔