امریکا میں سیکڑوں آئی فون ایکس چوری

ویب ڈیسک  جمعـء 3 نومبر 2017
امریکی کمپنی ایپل کے سیکڑوں نئے آئی فون ایکس چوری،فوٹو: اے ایف پی

امریکی کمپنی ایپل کے سیکڑوں نئے آئی فون ایکس چوری،فوٹو: اے ایف پی

کیلیفورنیا: مشہور امریکی کمپنی ایپل کے سیکڑوں نئے آئی فون ایکس چوری ہوگئے۔

میڈیا رپورٹس کے مطابق ایپل نے اپنی 10ویں سالگرہ کے موقع پر جدید فیچرز کا حامل آئی فون ایکس متعارف کرایا ہے جس کی خریداری کے لیے ہزاروں کی تعداد میں لوگوں نے اپیل اسٹورز کا رخ کرلیا۔

یہ خبر بھی پڑھیں: کیا ایپل آئی فون ایکس ناکام ہوگیا؟

ایک طرف  لوگ جوش وخروش کے ساتھ آئی فون ایکس کی خریداری میں مصروف ہیں تو دوسری جانب چور بھی جدید فیچر سے بھرپور اس موبائل کو پانے کے لیے متحرک ہوگئے ہیں۔

امریکی ریاست کیلیفورنیا کے شہر سان فرانسسکو میں ایپل اسٹور میں چوروں نے راتوں رات نقب زنی کی واردات کرکے سیکڑوں آئی فون ایکس چرا لیے اور باآسانی فرار ہوگئے۔ پولیس کا کہنا ہے کہ 3 چوروں نے 3 سو سے زائد آئی فون چرائے جن کی مالیت تقریباً 40 لاکھ روپے بنتی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔