- قومی اسمبلی: جمشید دستی اور اقبال احمد پر ایوان میں داخلے پر پابندی
- کراچی میں غیرملکیوں کی گاڑی کے قریب ہونے والا دھماکا خود کش تھا، رپورٹ
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
- پی ٹی آئی کی لیاقت باغ میں جلسہ کی درخواست مسترد
- پشاور میں صحت کارڈ پر دوائیں نہ ملنے کا معاملہ؛ 15 ڈاکٹرز معطل
- پہلا ٹی20؛ عماد کو پلئینگ الیون میں کیوں شامل نہیں کیا؟ سابق کرکٹرز کی تنقید
- 9 مئی کیسز؛ فواد چوہدری کی 14 مقدمات میں عبوری ضمانت منظور
- بیوی کو آگ لگا کر قتل کرنے والا اشتہاری ملزم بہن اور بہنوئی سمیت گرفتار
- پی ٹی آئی حکومت نے دہشتگردوں کو واپس ملک میں آباد کیا، وفاقی وزیر قانون
- وزیر داخلہ کا کچے کے علاقے میں مشترکہ آپریشن کرنے کا فیصلہ
- فلسطین کواقوام متحدہ کی مکمل رکنیت دینے کا وقت آ گیا ہے، پاکستان
- مصباح الحق نے غیرملکی کوچز کی حمایت کردی
- پنجاب؛ کسانوں سے گندم سستی خرید کر گوداموں میں ذخیرہ کیے جانے کا انکشاف
- اسموگ تدارک کیس: ڈپٹی ڈائریکٹر ماحولیات لاہور، ڈپٹی ڈائریکٹر شیخوپورہ کو فوری تبدیل کرنیکا حکم
- سابق آسٹریلوی کرکٹر امریکی ٹیم کو ہیڈکوچ مقرر
بھارتی مذاکرات کار مقبوضہ کشمیر پہنچ گئے، حریت رہنماؤں کا ملاقات سے انکار
سری نگر: بھارتی مذاکرات کار دنیش شرما مقبوضہ کشمیر پہنچ گئے جہاں حریت رہنماؤں نے ان سے ملاقات سے انکار کردیا ہے۔
میڈیا رپورٹس کے مطابق بھارتی حکومت کی جانب سے مقبوضہ کشمیر کے لیے مقرر کیے گئے نمائندہ خصوصی دنیش شرما دورہ مقبوضہ کشمیر کے لیے سری نگر پہنچ گئے ہیں۔انہیں مقبوضہ جموں و کشمیر کے دیرینہ تنازع کے حل کے لیے تمام اسٹیک ہولڈرز سے مذاکرات کا ٹاسک دیا گیا ہے۔اس مشن کے لیے انہوں نے سری نگر میں حریت رہنماؤں،اپوزیشن جماعتوں ،فلاحی تنظیموں،کاروباری شخصیات اور تجارتی تنظیموں سمیت مختلف نمائندہ شخصیات سے ملاقاتیں کرنا ہیں تاہم فی الحال ان کادورہ بے سود ثابت ہوا ہے۔
مقبوضہ وادی کی اہم اپوزیشن جماعتوں اورحریت رہنماوں نے بھارتی مذاکرات کار سے ملاقات کرنے سے انکار کردیا ہے جب کہ کشمیر چیمبرآف کامرس سمیت دیگر تجارتی تنظیموں نے مذاکراتی اجلاس کا بائیکاٹ کیا۔
یہ خبر بھی پڑھیں: بھارت 10 برسوں میں کشمیر سے ہاتھ دھو سکتا ہے، سابق بھارتی مذاکرات کار
حریت کانفرنس کے چیئرمین میر واعظ عمر فاروق نے بھارتی مذاکرات کار سے ملاقات نہ کرنے کا اعلان کرتے ہوئے کہا کہ وہ کسی صورت دنیش شرماسے نہیں ملیں گے اگر انہیں ملاقات کی دعوت بھی دی گئی تو وہ ملنے سے گریز کریں گے۔
میر واعظ عمر فاروق نے کہاکہ ہم اپنی پوزیشن واضح کرچکے ہیں کہ خودمختاری کے سوا کسی معاملے پر بات چیت نہیں کریں گے تو پھر بھارتی حکومت کیوں مذاکرات چاہتی ہے،خودمختاری کے بغیر مذاکرات کا سوال ہی پیدا نہیں ہوتا جب کہ بھارتی حکومت دیگر معاملات کو زیر بحث لاکر مذاکرات کے نام پر ڈھونگ رچا رہی ہے ،حکومت کا موقف واضح نہیں ہے اس لیے مذاکرات کرنا صرف وقت کا ضائع ہے۔ حریت پسند رہنما سید علی گیلانی کا کہنا تھا کہ وہ ایسے کسی مذاکراتی عمل کا حصہ نہیں بنیں گے جس میں بنیادی تنازع پر ہی بات چیت نہ ہو۔
مقبوضہ کشمیر کی ایپکس ٹریڈ باڈی اور کشمیر چیمبر آف کافرنس اینڈ انڈسٹریز نے بھی بھارتی مذاکرات سے بات چیت نہ کرنے کا فیصلہ کرتے ہوئے مذاکراتی عمل میں کا بائیکات کیا۔کشمیر چیمبر آف کامرس کے صدر کا کہنا ہے کہ ڈویژنل کمشنر نے ہمیں دنیش شرما سے ملاقات کے لیے مدعو کیا تھا تاہم ہم نے ملنے سے صاف انکار کردیا ہے۔
دوسری جانب بھارتی مذاکرات سے ملاقات کرنے والے چند نوجوانوں نے عام شہریوں پر بھارتی فوج کی جانب سے پیلٹ گن کے استعمال پر فوری پابندی عائد کرنے کا مطالبہ کیا۔انہوں نے کہا کہ اگر بھارتی مذاکرات کار ہمارا اعتماد احاصل کرنا چاہتے ہیں تو انہیں فوری طور پر پیلٹ گن کا استعمال رکوانا ہوگا جب کہ نواجوں کے خلاف دائر مقدمات کو بھی واپس لینا ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔