الیکشن کمیشن نے اسمبلیوں کو تحلیل کرنے کی تاریخوں کا اعلان کردیا

ویب ڈیسک  بدھ 8 نومبر 2017
قومی اسمبلی 31 مئی جب کہ صوبائی اسمبلی پنجاب 31 مئی،سندھ،خبیر پختونخوا اوربلوچستان 28 مئی کوتحلیل ہوں گی، الیکشن کمیشن۔ فوٹو: فائل

قومی اسمبلی 31 مئی جب کہ صوبائی اسمبلی پنجاب 31 مئی،سندھ،خبیر پختونخوا اوربلوچستان 28 مئی کوتحلیل ہوں گی، الیکشن کمیشن۔ فوٹو: فائل

 لاہور: الیکشن کمیشن نے انتخابی ایکٹ 2017 کے تحت قومی و صوبائی اسمبلی کو تحلیل کرنے کی تاریخوں کا اعلان کردیا ہے. 

الیکشن کمیشن نے انتخابی ایکٹ 2017 کے مطابق قومی وصوبائی اسمبلی کو تحلیل کرنے کی تاریخوں کا اعلان کردیا ہے جس کے تحت قومی اسمبلی 31 مئی جب کہ صوبائی اسمبلی پنجاب 31 مئی، سندھ، خبیر پختونخوا اور بلوچستان 28 مئی کو تحلیل ہوں گی۔

عام انتخابات سے قبل الیکشن کمیشن کی تیاریوں کے حوالے سے بریفنگ  دیتے ہوئے ایڈیشنل سیکرٹری الیکشن کمیشن نے کہا کہ انتخابی عملے کا معاوضہ بھی بڑھا دیا گیا ہے، پولنگ کے عملہ کو 6 ہزار روپے تک ادا کئے جائیں گے جب کہ الیکشن ایکٹ 2017 کے تحت الیکشن کمیشن کو سیکیورٹی اداروں کے خلاف بھی کارروائی کا اختیار ہو گا، الیکشن سے قبل تمام پولنگ اسٹاف بشمول سیکورٹی ادارے حلف لیں گے۔

الیکشن کمیشن نے بریفنگ میں بتایا کہ خواتین کو ووٹ ڈالنے سے روکنے پر 3 سال قید، ایک لاکھ روپے جرمانہ یا دونوں سزائیں دی جاسکیں گی،  کسی بھی پولنگ اسٹیشن میں یا حلقہ میں خواتین ووٹرز کی تعداد 10 فیصد سے کم ہونے پر انتخاب معطل کیا جا سکے گا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔