ایشیا کپ کے لئے قومی انڈر 19 کرکٹ ٹیم ملائیشیا روانہ

قومی انڈر 19 کرکٹ ٹیم کی قیادت حسن خان کر رہے ہیں

اسپورٹس رپورٹر بدھ 8 نومبر 2017

قومی انڈر 19 کرکٹ ٹیم کی قیادت حسن خان کر رہے ہیں،فوٹو:فائل

لاہور: ایشیا کپ کے لئے قومی انڈر 19 کرکٹ ٹیم ملائیشیا روانہ ہو گئی، قومی ٹیم نجی ائیرلائن کی پرواز Ek 625 سے براستہ دبئی ملائیشیا پہنچے گی۔

ایشیا کپ 8 نومبر سے 20 نومبر تک ملائشیا میں ہو گا جس میں پاکستان، بنگلہ دیش، سری لنکا، بھارت، افغانستان، میزبان ملائیشیا، نیپال اور متحدہ عرب امارات کی ٹیمیں شرکت کر رہی ہیں۔ قومی انڈر 19 کرکٹ ٹیم کی قیادت حسن خان کر رہے ہیں۔

15 رکنی سکواڈ میں محمد محسن خان، عمیر یوسف، زید عالم، حیدر علی، روحیل نذیر (وکٹ کیپر)، عبداللہ شفیق، محمد حماد خان، محمد طلحہ، سعد خان، عاشر قریشی، موسیٰ خان، شاہین شاہ، محمد علی اور منیر ریاض شامل ہیں۔ محمد عارف، ارشد اقبال، عمران شاہ اور سلمان شفقت ریزرو پلیئرز کے طور پر ٹیم کے ساتھ ہیں۔