وکٹ بیٹ سے گرانے والے بیٹسمین پر جرمانہ

اسپورٹس ڈیسک  جمعرات 9 نومبر 2017
 برنز نے غلطی تسلیم کرتے ہوئے جرمانہ قبول کرلیا ہے،فوٹوفائل

برنز نے غلطی تسلیم کرتے ہوئے جرمانہ قبول کرلیا ہے،فوٹوفائل

برسبین:  تسمانیہ کیخلاف شیفلڈ شیلڈ میچ میں کوئنز لینڈ کے اوپنر جوئے برنز پر ڈسپلن توڑنے پرمیچ فیس کا 20 فیصد جرمانہ عائد کردیاگیا۔

تفصیلات کے مطابق شیفلڈ نے گذشتہ دن دوسری اننگز میں 70رنز پر آؤٹ ہونے کے بعد بیٹ سے اسٹمپس کو ہٹ کیا تھا، یہ مقابلہ ان کی ٹیم نے 7 وکٹ سے جیت لیا، انھیں آؤٹ کرنے پر حریف پلیئرز خوشیاں منارہے تھے لیکن اسی دوران برنز نے پویلین واپسی سے قبل بیٹ سے ہٹ لگاکر وکٹ گرا دی تھی۔

سی اے نے اس حرکت کو کوڈ آف کنڈکٹ کی خلاف ورزی قرار دیا۔واضح رہے کہ برنز نے غلطی تسلیم کرتے ہوئے جرمانہ قبول کرلیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔