- اردو یونیورسٹی کی پرنسپل سیٹ کی منتقلی کی جانب پہلا قدم، کراچی میں کیمپس انچارجز تعینات
- وزیراعظم کل چیف جسٹس آف پاکستان سے ملاقات کریں گے
- ججوں کے الزامات پر تحقیقات کیلئے سپریم کورٹ کی کمیٹی تشکیل دی جائے، پاکستان بار کونسل
- بشری بی بی خوش قسمت، بیڈ روم میں مزے سے شہد کھا کر قید کاٹ رہی ہیں، عظمیٰ بخاری
- جرمنی میں موٹروے پر بس کے خوفناک حادثے میں 5 افراد ہلاک
- کیجریوال کی گرفتاری سے متعلق امریکی بیان پر بھارت کا شدید ردعمل
- سندھ میں اسمگل شدہ اسلحے کے لائسنس جاری ہونے کا انکشاف
- چائنیز انجینئروں کی بس پر خودکش حملے کا مقدمہ سی ٹی ڈی میں درج
- وزیراعلیٰ بلوچستان کا غیر حاضر سرکاری ملازمین کے خلاف بلا امتیاز کارروائی کا حکم
- کراچی میں ڈاکو فیکٹری ملازمین سے ایک کروڑ 82 لاکھ روپے چھین کر فرار
- پاکستان میں دہشت گردی کا منبع افغانستان میں ہے، وزیر دفاع
- پنجاب: شہریوں کو دھاتی ڈور سے بچانے کے لیے موٹرسائیکلوں پر حفاظتی وائرز کی تنصیب
- اسمارٹ فون صارفین جعلسازیوں کی نئی لہر سے ہوجائیں ہوشیار!
- چینی انجینئروں کی بس پر خودکش حملے کی فوٹیج ’’ایکسپریس نیوز‘‘ نے حاصل کرلی
- شانگلہ خودکش حملہ؛ تعلقات میں دراڑ ڈالنے کی کوئی کوشش کامیاب نہیں ہوگی ، چینی وزارت خارجہ
- پیپلز پارٹی نے جے یو آئی سے آنیوالے طلحہ محمود کو سینیٹ ٹکٹ سے نواز دیا
- چینی شہریوں کی سیکیورٹی کیلئے تمام ضروری اقدامات اٹھائے جائیں گے، صدر
- آئی ایم ایف نے بجلی کی قیمتوں میں کمی کی تجاویز پیش کردیں
- بچے کو زیادہ ہوم ورک کیوں دیا؟ باپ اسکول اور پولیس والوں کی جان کو آگیا
- بھارت: کرپشن کے ملزم سیاست دان کی کرنسی نوٹ پھیلا کر سونے کی تصویر وائرل
مردم شماری کےتحت خیبرپختونخوااسمبلی کی نشستیں بڑھائی جائیں، آفتاب شیرپاؤ
صوابی: قومی وطن پارٹی کے مرکزی چیئرمین آفتاب احمد خان شیرپاؤ نے مطالبہ کیاہے کہ نئی مردم شماری کے مطابق خیبرپختونخوا اسمبلی کی نشستیں بھی بڑھائی جائیں۔
صوابی میں اجتماع سے خطاب کرتے ہوئے آفتاب شیرپاؤ نے کہا کہ قومی وطن پارٹی کسی بھی غیرآئینی اقدام کی مخالفت کرے گی، وزیراعظم شاہد خاقان عباسی سابق وزیراعظم نواز شریف کے چھوٹے صوبوں سے کئے گئے وعدوں کو پورا کریں، آبادی کے مطابق صوبے کی نمائندگی کو بڑھانا یہاں کے عوام کا آئینی اور قانونی حق ہے، قومی اسمبلیوں کی طرح صوبائی اسمبلیوں کی نشستوں میں اضافہ کیا جائے۔
آفتاب شیرپاؤ نے قبل از وقت انتخابات کی تجویز مسترد کرتے ہوئے کہا کہ اس عمل سے جمہوریت اور ادارے کمزور ہوں گے، پی ٹی آئی کے چیئرمین عمران خان کا قبل از وقت انتخابات کا مطالبہ مضحکہ خیز ہے، اس سے ثابت ہوتا ہے کہ وہ ایک جمہوری سوچ کے مالک نہیں۔ ایک طرف عمران خان وقت سے پہلے انتخابات کا مطالبہ کرتے ہیں اور دوسری جانب ان کی پارٹی کے وزیر اعلیٰ مشترکہ مفادات کونسل کے اجلاس میں اس کی مخالفت کرتے ہیں۔
قومی وطن پارٹی کے مرکزی چیئرمین نے کہا کہ ان کی جماعت آئین اور قانون کی بالادستی پر یقین رکھتی ہے اور ہماری جماعت جمہوریت کے ساتھ کھڑی ہے، قومی وطن پارٹی چاہتی ہے کہ انتخابات کا انعقاد اپنے مقررہ وقت پر ہو جس سے پارلیمان اور ادارے مضبوط ہوں گے۔ تبدیلی کے نعرے لگانے والوں نے کوئی عملی کام نہیں کئے جبکہ صحت اور تعلیمی اداروں کا حلیہ بگاڑ دیا ہے، پاناما جیسے غیر اہم ایشوز کی وجہ سے قوم کا قیمتی وقت ضائع کیا گیا اور فاٹا انضمام جیسے اہم امور التواءکاشکار ہیں۔
ایم ایم اے کی بحالی کے حوالے سے آفتاب شیرپاؤ نے کہا کہ ایم ایم اے میں شامل دو بڑی جماعتیں جماعت اسلامی اور جے یو آئی (ف) کے مابین کئی معاملات پر اختلاف ہے، کسی بھی عمل سے پہلے دونوں جماعتیں اپنے اپنے موقف پر غور کریں، ایک طرف تو دونوں سیاسی جماعتیں ایک ہونے جا رہی ہیں جبکہ دوسری جانب فاٹا انضمام جیسے اہم مسئلہ پر ایک دوسرے کی مخالفت کر رہی ہیں، تعجب کی بات ہے کہ جماعت اسلامی صوبے میں تحریک انصاف جبکہ جمعیت علمائے اسلام (ف) مرکز میں پاکستان مسلم لیگ ن کی اتحادی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔