شمالی کوریا کودہشت گردریاست قراردینے کا فیصلہ آئندہ ہفتے ہوگا، وائٹ ہاؤس

ویب ڈیسک  جمعـء 17 نومبر 2017
اپنے عہدہ صدارت سنبھالنے کے بعد سے امریکی صدرڈونلڈ ٹرمپ کی جانب سے شمالی  کوریا کے رہنما پرمسلسل کڑی تنقید جاری ہے: فوٹو: فائل

اپنے عہدہ صدارت سنبھالنے کے بعد سے امریکی صدرڈونلڈ ٹرمپ کی جانب سے شمالی کوریا کے رہنما پرمسلسل کڑی تنقید جاری ہے: فوٹو: فائل

 واشنگٹن: ترجمان وائٹ ہاؤس کے مطابق شمالی کوریا کو دہشت گردریاست قراردینے سے متعلق فیصلہ آئندہ ہفتے ہوگا۔

ترجمان وائٹ ہاؤس کے مطابق شمالی کوریا کودہشت گردریاست قراردینے سے متعلق فیصلہ آئندہ ہفتے ہوگا، امریکی صدرڈونلڈ ٹرمپ شمالی کوریا سے متعلق خود اعلان کریں گے۔

گزشتہ روزٹرمپ نے اپنے ایک خطاب میں کہا تھا شمالی کوریا کے ڈکٹیٹرکودنیا کویرغمال بنانے کی اجازت نہیں دیں گے، چینی صدرشی جن پنگ نے بھی تسلیم کیا ہے کہ شمالی کوریا چین کیلیے بڑاخطرہ ہے۔

ا س سے قبل شمالی کوریا کے سرکاری اخبارنے اپنے رہنما کم جانگ ان کی توہین پرامریکی صدرڈونلڈ ٹرمپ کو سزائے موت کا مستحق ٹھہراتے ہوئے انہیں ایک بزدل شخص قراردیا ہے۔

واضح رہے کہ اپنے عہدہ صدارت سنبھالنے کے بعد سے امریکی صدرڈونلڈ ٹرمپ کی جانب سے شمالی  کوریا کے رہنما پرمسلسل کڑی تنقید جاری ہے جس میں انفرادی طورپرہتک آمیز رویہ اختیار کیا جاتا رہا ہے جودونوں ممالک کے درمیان کشیدگی میں اضافے کی بھی وجہ بنا ہوا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔