کوئٹہ: وزیراعلیٰ بلوچستان جام کمال خان نے وزرات اعلیٰ کا حلف اٹھا لیا ہے۔
ایکسپریس نیوز کے مطابق حلف برداری کی تقریب گورنر ہاؤس میں منعقد ہوئی جہاں گورنربلوچستان محمد خان اچکزئی نے وزیراعلیٰ جام کمال خان سے ان کے عہدے کا حلف لیا۔ حلف برداری کی تقریب میں نگراں وزیراعلیٰ علاؤالدین مری، آئی جی پولیس، آئی جی ایف سی، چیف سیکریٹری سمیت نومنتخب اراکین صوبائی اسمبلی بھی شریک ہوئے۔
یہ خبر بھی پڑھیں: جام کمال وزیر اعلیٰ بلوچستان منتخب
واضح رہے کہ وزارت اعلیٰ کے لیے جام کمال بلوچستان عوامی پارٹی اورتحریک انصاف کےمتفقہ امیدوار تھے جو رائے شماری میں 39 ووٹ حاصل کرکے قائد ایوان منتخب ہوئے تھے۔