ممبئی: پولیس کا کہنا ہے کہ ابھی اس بات کی تصدیق نہیں کی جاسکتی کہ پاکستانی امپائراسد رؤف اسپاٹ فکسنگ کیس میں شامل تفتیش ہیں یا نہیں۔
غیر ملکی خبر ایجنسی کے مطابق ممبئی پولیس کے حکام کا کہنا تھا کہ اسپاٹ فکسنگ کی تحقیقات تمام پہلوؤں سے کی جا رہی ہیں تاہم ابھی تک پاکستانی امپائر اسد رؤف کو تفتیش کے لئے طلب نہیں کیا گیا ہے۔
واضح رہے کہ آئی سی سی نے بھارتی میڈیا کی ان رپورٹس جن میں کہا گیا تھا کہ اسد رؤف سے ممبئی پولیس اسپاٹ فکسنگ کی تحقیقات کر رہی ہے کے بعد ان کا نام چیمپئنز ٹرافی کے پینل سے خارج کر دیا تھا۔