اسلام آباد: وزارت ریلوے کو 2031 آسامیاں پر کرنے کی اجازت مل گئی۔
وزارت ریلوے کو پہلی قسط کے طور پر 2031 آسامیاں پر کرنے کی اجازت دیدی گئی، یہ اسامیاں بنیادی پے اسکیل ایک تا 11 کی کیٹگری کی ہیں، ان آسامیوں پر بھرتی 6 ماہ کے دوران ریگولر بنیاد پر کی جائے گی۔
آسامیاں ریلوے کے مختلف شعبوں سول انجینئرنگ، میکینکل انجینئرنگ، الیکٹریکل انجینئرنگ، ٹرانسپورٹیشن، کمرشل، سگنل انجینئرنگ، ٹیلی کمیونی کیشن اور ورک کشاپ ڈویژن سے متعلق ہیں۔