ملتان: پنجاب اسمبلی کے حلقہ پی پی 217 میں شاہ محمود قریشی کو شکست دینے والے آزاد امیدوار محمد سلمان کی عمر 25 سال سے کم نکلی، الیکشن کمیشن نے انتخابی نتائج کالعدم قرار دے دیئے۔
ایکسپریس نیوزکے مطابق الیکشن کمیشن نے ملتان کے حلقہ پی پی 217 کے ووٹرز کی درخواست پر محفوظ کیا گیا فیصلہ سنادیا۔ فیصلے میں کہا گیا ہے کہ پی پی 217 میں شاہ محمود قریشی کے مدِمقابل کامیاب ہونے والے آزاد امیدوار محمد سلمان کی عمر 25 سال سے کم تھی جبکہ قانون کے مطابق رکن اسمبلی منتخب ہونے کے لئے عمر کی حد کم از کم 25 سال ہے۔
الیکشن کمیشن نے محمدسلمان کی کامیابی کا نوٹی فکیشن واپس لے لیا جب کہ انتخابات کالعدم قرار دے کرحلقے میں دوبارہ انتخابات کرانے کا حکم دے دیا۔