دبئی: دبئی میں بھارتی شائقین فٹبال کو پرندوں کے پنجرے میں قید کرنے والے مقامی شخص کو گرفتار کرلیا گیا۔
سوشل میڈیا پر ایک ویڈیو سامنے آئی جس میں جمعرات کو یو اے ای اور بھارت کے درمیان میچ کے موقع پر ایک شخص اپنے ملازمین کو پنجرے میں قید کرتا اور ان سے پوچھتا ہے کہ کون سی ٹیم جیتے گی، جب وہ بھارت کا نام لیتے ہیں تو انھیں سخت ردعمل کا سامنا کرنا پڑتا اور جب وہ یو اے ای کی حمایت کرتے ہیں تو انھیں چھوڑ دیا جاتا ہے۔ اس غیر انسانی حرکت پر حکام نے مذکورہ شخص کو حراست میں لے لیا۔