نئی دلی: بھارت کی ریاست منی پور کے ضلع امپال میں دھماکے کے نتیجے میں 8 افراد ہلاک جبکہ 10 زخمی ہو گئے۔
بھارتی میڈیا رپوٹس کے مطابق منی پور کے ضلع امپال کے علاقے نگا ما پل میں ایک زور دار دھماکا ہو ا جس کے نتیجے میں 8 افراد ہلاک جبکہ 10 زخمی ہو گئے، ہلاک اور زخمی ہونے والے افراد کو قریبی اسپتالوں میں منتقل کر دیا گیا ہے جہاں پر بعض زخمیوں کی حالت تشویشناک ہونے کے باعث ہلاکتوں میں اضافے کا خدشہ ظاہر کیا جا رہا ہے ، پولیس حکام کا کہنا ہے کہ دھماکا خیر مواد ایک دکان میں نصب کیا گیا تھا ۔
واضح رہے کہ بھارتی ریاست منی پور میں علیحدگی پسند تحریک جاری ہے تاہم تاحال کسی بھی گروپ کی جانب سے دھماکے کی ذمہ داری قبول نہیں کی گئی ہے۔