کراچی کے علاقے سرجانی ٹاؤن میں عمارت گرنے سے ایک شخص جاں بحق ہوگیا۔
ریسکیو ذرائع کے مطابق کراچی کے علاقے سرجانی ٹاؤن میں زیرتعمیر عمارت گر گئی جس کے نتیجے میں ایک شخص جاں بحق اور 10 افراد زخمی ہوگئے۔زخمی افراد کو اسپتال منتقل کیا گیا جہاں ایک زخمی 25 سالہ وریام زخموں کی تاب نہ لاتے ہوئے دم توڑ گیا۔
ہیوی مشینری کے ذریعے ملبہ اٹھانے کا کام جاری ہے۔ ملبے تلے کسی کے دبے ہونے کا خدشہ نہیں ہے۔زخمیوں کی شناخت 30 سالہ ناصر،20 سالہ صغیر،24 سالہ راشد، 27 سال قیوم، 20 سالہ محمد سلیم ، 17 سالہ آکاش اور34 سالہ امیر کے نام سے ہوئی۔