کراچی: پیپلزپارٹی کے چیئرمین بلاول بھٹو زرداری کا کہنا ہےکہ حکومت منافقت ختم کرکے غیرت کے نام پر قتل کے خلاف بل منظور کرائے۔
پیپلزپارٹی کے چیئرمین بلاول بھٹو زرداری نے اپنے بیان میں کہا ہے کہ ایک انسان کو قتل کرنا کوئی غیرت نہیں اور اس عمل کا ہماری تہذیب و تاریخ سے کوئی تعلق نہیں۔ انہوں نے کہا کہ پیپلزپارٹی نے غیرت کے نام پر قتل سے متعلق بل گزشتہ سال سینیٹ میں پیش کیا جسے حکومت نے الماریوں میں رکھ دیا لہٰذا حکومت منافقت ختم کرکے اس بل کو منظور کرائے۔