ماسکو: روس کے دارلحکومت ماسکو میں مسافر طیارہ رن وے پر لینڈنگ کے بعد حادثے کا شکار ہو گیا جس کے نتیجے میں عملے کے 4 ارکان ہلاک ہو گئے۔
ایئر پورٹ کی ترجمان نے غیر ملکی خبر رساں ایجنسی کو بتایا کہ جہاز لینڈنگ کے بعد تین ٹکروں میں تقسیم ہو گیا، ایمرجنسی سروسز کے ترجمان کے مطابق حادثے میں عملے کے 4 ارکان ہلاک ہو گئے اور 4 اسپتال میں زیر علاج ہیں۔ پولیس کے مطابق جہاز میں صرف عملے کے 12 ارکان سوار تھے۔
حادثے کی تحقیقات کرنے والے افسران کا کہنا ہے کہ ابتدائی تحقیقات کے مطابق حادثہ پائیلٹ کی غفلت کا نتیجہ معلوم ہوتا ہے۔