- غیر ملکی ماہرین کی خدمات کیلیے قوانین میں نرمی کی سمری منظور
- یوٹیوب کا اشتہارات کے متعلق نئے فیچر کی آزمائش
- چھاتی کے کینسر سے شفایاب افراد میں دوبارہ کینسر کا خطرہ ہوتا ہے، تحقیق
- قلیل ترین مدت میں سب سے زیادہ درختوں کو گلے لگانے کا عالمی ریکارڈ
- پہلے اوور میں 50 وکٹیں، شاہین آفریدی دنیا کے پہلے بولر بن گئے
- شعیب اختر کا ورلڈکپ ٹرافی کے ہمراہ آٹو رکشہ پر اسٹیڈیم کا چکر
- محمود خان اچکزئی کے ناقابل ضمانت وارنٹ گرفتاری معطل
- پنجاب میں آسمانی بجلی گرنے کے واقعات میں اموات 26 تک پہنچ گئیں
- عوامی ردعمل پر شکار پور سے کراچی بھیجے گئے پولیس اہلکاروں کو شوکاز نوٹس جاری
- لاہور میں فائرنگ کے واقعات میں سب انسپکٹر سمیت تین شہری جاں بحق
- کراچی میں ڈکیتی مزاحمت پر سیکیورٹی گارڈ جاں بحق، سال 2024 میں اب تک 67 شہری قتل
- پانچواں ٹی20: پاکستان نے نیوزی لینڈ کو شکست دیکر سیریز برابر کردی
- یوراج سنگھ نے ٹی 20 ورلڈکپ کی سیمی فائنلسٹ ٹیموں کی پیشگوئی کردی
- سیکیورٹی فورسز کی ہرنائی میں بروقت کارروائی، ایک دہشت گرد ہلاک
- بھارت؛ منی پور میں مبینہ علیحدگی پسندوں کے حملے میں دو سیکیورٹی اہلکار ہلاک
- پی ٹی آئی میں اختلافات، شبلی فراز اور شیر افضل مروت آمنے سامنے آگئے
- بابراعظم نے ٹی20 انٹرنیشنل کرکٹ میں ایک اور اعزاز اپنے نام کرلیا
- بابر اعظم نے ٹی 20 انٹرنیشنل کرکٹ میں ایک اور اعزاز اپنے نام کرلیا
- داؤد انجینیئرنگ یونیورسٹی کی فیکلٹی انفارمیشن اینڈ کمپیوٹنگ کی گلبرگ ٹاؤن منتقلی کیلئے معاہدہ
- ججز کو کسی کا اثر رسوخ لینے کے بجائے قانون پر چلنا چاہئے، جسٹس اطہر من اللہ
کینسر کے مرض میں مبتلا ہونے والے بھارتی فنکار
گزشتہ روز بالی ووڈ کی نامور اداکارہ سونالی بیندرے کے کینسر میں مبتلا ہونے کی خبر دیگر اداکاروں اور ان کے مداحوں پر بجلی بن کر گری، کسی کو کیا خبر تھی کہ ہر وقت ہنسنے مسکرانے والی اداکارہ سونالی بیندرے اچانک کینسر جیسے موذی مرض میں مبتلا ہوجائیں گی۔
صرف سونالی ہی نہیں فلمی دنیا سے وابستہ اور بہت سے فنکار ہیں جو نہ صرف اس خطرناک مرض کا شکار ہوئے بلکہ اس مرض سے جنگ کرکے چھٹکارہ بھی حاصل کیا تاہم کچھ بدقسمت اداکار ایسے بھی تھے جو کینسر سے ہار گئے جس کے نتیجے میں انہیں اپنی جان سے ہاتھ دھونا پڑے۔
سونالی بیندرے:
اداکارہ سونالی بیندرے نے سوشل میڈیا کے ذریعے اپنے چاہنے والوں کو یہ خبر سنائی کہ وہ ’’ہائی گریڈ‘‘کینسر میں مبتلا ہیں۔ اس بیماری میں جسم کے عضلات صحیح کام نہیں کرتے جب کہ یہ عام کینسر کے مقابلے میں زیادہ تیزی سے جسم میں پھیلتا ہے۔ سونالی بیندرے ڈاکٹرز کے مشورے کے مطابق نیویارک میں اپنا علاج کرارہی ہیں۔
عرفان خان:
بالی ووڈ کے ورسٹائل اداکار عرفان خان نے بھی رواں سال کی ابتدا میں سوشل میڈیا ہی کے ذریعے اپنے چاہنے والوں کو آگاہ کیا تھا کہ وہ ’’نیورو اینڈوکرائن‘‘ نامی کینسر میں مبتلا ہیں یہ آنتوں کا کینسر ہےاور کینسر کی کافی خطرناک قسم مانی جاتی ہے۔عرفان خان بھی ان دنوں اپنی فیملی کے ہمراہ علاج کی غرض سے لندن میں موجود ہیں۔
ونود کھنہ:
بالی ووڈ کے لیجنڈ اداکار ونود کھنا گزشتہ برس مثانے کے کینسر میں مبتلا ہوکر زندگی کی بازی ہار گئے تھے، ان کے اسپتال میں گزارے گئے آخری دنوں کی تصاویر سوشل میڈیا پر بہت زیادہ وائرل ہوئی تھیں جن میں وہ کینسر کے باعث نہایت کمزور ہوگئے تھے۔
منیشا کوئرالہ:
نامور اداکارہ منیشا کوئرالہ کو 42 سال کی عمر میں اوورین کینسر کی تشخیص ہوئی تھی ، منیشا نے کینسر سے ہار نہیں مانی اورعلاج کی غرض سے نیویارک گئیں اور کینسر کے خاتمے تک وہیں قیام کیا۔ بعد ازاں 2015 میں ڈاکٹرز نےانہیں خوشخبری سنائی کہ وہ کینسر سےآزاد ہوچکی ہیں۔ کینسر کے خاتمے کے بعد منیشا کوئرالہ کو دوسری زندگی ملی حال ہی میں انہوں نے فلم’’سنجو‘‘میں سنجے دت کی والدہ کا کردارادا کیا ہے۔
لیزا رائے:
اداکارہ و ماڈل لیزا رائے زیادہ فلموں میں تو نظر نہیں آئیں تاہم انہیں شہرت فلموں کے باعث نہیں بلکہ کینسر کے مرض میں مبتلا ہونے کی وجہ سے ملی، لیزا رائے کو خون کے کینسر کی تشخیص ہوئی تھی، لیکن انہوں نے بھی کینسر پر جیت حاصل کی اور اب وہ کینسر سے مکمل طور پر آزاد ہوچکی ہیں۔
راجیش کھنہ:
ہندی سینما کے پہلے سپر اسٹارراجیش کھنہ کو 2011 میں کینسر کے مرض کی تشخیص ہوئی تھی، ایک سال تک کینسر کے خلاف جنگ کرنےکے بعد راجیش کھنہ زندگی کی بازی ہار گئے تھے۔
اداکارہ نرگس:
بالی ووڈ کی ماضی کی کامیاب اداکارہ اور سنجے دت کی والدہ نرگس بھی اسی موذی مرض کا شکار ہوکر اپنی جان گنوا چکی ہیں، اداکارہ نرگس اپنے بیٹے کی پہلی فلم’’راکی‘‘کے پریمیئر سے صرف ایک ہفتے قبل کینسر کے باعث موت کی آغوش میں جا سوئی تھیں۔
فیروز خان:
بھارتی فلم انڈسٹری کے ماضی کے معروف اداکارو فلمساز فیروز خان 69 سال کی عمر میں کینسر کے باعث زندگی کی بازی ہار گئے تھے۔ اپنی زندگی کے آخری ایام میں انہوں نے خواہش ظاہر کی تھی کہ وہ اسپتال کے بجائے بنگلور میں قائم اپنے فارم ہاؤس میں اپنی زندگی کی آخری سانس لینا چاہتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔