- جج کی دہری شہریت پر ایم کیو ایم، ن لیگ اور آئی پی پی اراکین قومی اسمبلی کی تنقید
- مولانا فضل الرحمٰن نے پی ٹی آئی کے ساتھ اتحاد کا اشارہ دے دیا
- فیصل واوڈا کی پریس کانفرنس پر از خود نوٹس، سپریم کورٹ میں سماعت آج ہوگی
- خیبرپختونخوا میں لوڈشیڈنگ کا نیا شیڈول جاری کرنے پر اتفاق
- تاجر دوست اسکیم پر عملدرآمد کیلیے 6 بڑے شہروں کے ڈپٹی کمشنرز کو اہم مراسلہ جاری
- پاکستان معاشی استحکام کی جانب گامزن ہے، وزیر اعظم
- عرب ممالک کا سربراہی اجلاس، فلسطین میں جارحیت فوری روکنے کا مطالبہ
- ہاکی کےکھیل کی بہتری کے لئے کوئی کسر نہیں چھوڑیں گے، وزیراعظم شہباز شریف
- زرمبادلہ کے سرکاری ذخائر میں ڈیڑھ کروڑ ڈالرز کا اضافہ
- بلوچستان حکومت کا نوجوانوں کی فلاح و بہبود کیلیے فیسلیٹیشن سینٹرز بحال کرنے کا فیصلہ
- سچن ٹنڈولکر کے سیکیورٹی گارڈ نے خود کو گولی مار کر خودکشی کرلی
- ’فلسطینیوں کی ہولناک نسل کشی‘: عالمی عدالت انصاف میں جنوبی افریقا کے دلائل مکمل
- بانی پی ٹی آئی کا اڈیالہ جیل میں طبی معائنہ، بشری بی بی نے خون دینے سے انکار کردیا
- نیلم جہلم پراجیکٹ کی لاگت میں اضافہ؛ ذمہ داروں کے تعین کیلئے کابینہ کمیٹی بنانے کا اعلان
- آزاد کشمیر میں ہونے والی کشیدگی میں ہمسایہ ملک کا تعلق نکل رہا ہے، وفاقی وزیرداخلہ
- میں اپنے قانونی پیسے سے جہاں چاہوں آج بھی سرمایہ کاری کروں گا، محسن نقوی
- غزہ پر فوجی حکمرانی کا خواب؛ اسرائیلی کابینہ میں پھوٹ پڑ گئی
- قومی اسمبلی اجلاس: طارق بشیر نے زرتاج گل کو نازیبا الفاظ کہنے پر معافی مانگ لی
- پاکستان کو بلائنڈ کرکٹ ورلڈ کپ کی میزبانی مل گئی
- آئی او ایس اپ ڈیٹ کے بعد صارفین کو نئی مشکل کا سامنا
پاک بھارت تجارت کی معطلی سے دواؤں کی تیاری متاثر
کراچی: پاک بھارت تجارت کی معطلی سے دواؤں کی تیاری متاثر ہونے لگی کیونکہ پاکستان میں تیار کی جانے والی دواؤں میں استعمال کیاجانے والا 60 فیصد خام مال بھارت سے منگوایا جاتا ہے جو اب درآمد نہیں کیا جا سکے گا۔
بھارت کی جانب سے مقبوضہ کشمیر میں کشیدگی کے بعد حکومت پاکستان نے بھارت سے تجارت پر پابندی عائد کر دی ہے، یہ پابندی 9 اگست کو حکومت پاکستان کی جانب سے ایک نوٹیفکیشن کے بعد عائدکی گئی جس پر پاکستان فارما سیوٹیکل مینوفیکچرنگ ایسوسی ایشن نے اپنے شدید تحفظات کا اظہارکرتے ہوئے حکومت پاکستان کو مکتوب لکھا ہے۔ جس میں کہا گیا ہے کہ پاکستان بھارت سے 60فیصد خام مال بھارت سے منگواتا ہے جو پاکستان میں تیار کی جانے والی ادویہ میں استعمال کیا جاتا ہے، حکومت کی جانب سے پابندی کے بعد ملک میں ادویہ کی قلت کا خدشہ ہو جائے گا کیونکہ پاکستان میں بھارت سے مختلف ادویہ سمیت حفاظتی ویکیسن کی بڑی تعداد منگوائی جاتی ہے۔
پابندی سے قبل پاکستان کے بیشتر مینوفیکچرز نے بھارت سے خام مال منگوانے کا آرڈر بھی دے رکھا تھا جو معطل کر دیا گیا، پاکستان فارما سیوٹیکل مینوفیکچرنگ ایسوسی ایشن نے وفاقی حکومت کو 16 اگست2019کو لکھے جانے والے اپنے ایک مکتوب میں کہا ہے کہ پاک بھارت تجارتی پابندی سے شعبہ صحت پر منفی اثرات مرتب ہوں گے اور ملک میں انڈیا سے درآمدکی جانے والی شعبہ صحت کی مختلف ادویہ اور ویکسین ناپید ہو جائے گی جس میں شعبہ صحت بری طرح متاثر ہوگا اور مریضوںکی مشکلات میں اضافہ ہو سکتا ہے۔
پاکستان فارما سیوٹیکل مینوفیکچرنگ ایسوسی ایشن نے اپنے مکتوب میں تشویش کا اظہار کرتے ہوئے کہا کہ انڈیا سے حال ہی میں درآمدکی جانے والے ادویہ اور خام مال کو وفاقی حکومت نے پاکستان پہنچنے سے پہلے ہی روک دیا اور اسے دوبارہ ایل سی کی بنا پر دوبارہ انڈیا بھیج دیا، اس صورت حال کے پیش نظر ان ادویہ کو دوبارہ درآمدکرنا ہوگا جس کی وجہ سے ان کی قیمتوں میںکئی گنا اضافہ ہو جائے گا، اس کے علاوہ ملک میں جان بچانے والی ضروری ادویہ کا بھی بحران پیدا ہو جائے گا اور فارما صنعت کو شدید سنگین بحرانی کیفیت کا سامنا کرنا پڑے گا جس کے نتیجے میں ادویہ کی قیمتوں میں اضافہ ناگزیر ہو جائے گا، انھوں نے مزید بتایا کہ پہلے ہی ڈالر، خام مال، بجلی اورگیس کی قیمتوں میں اضافے سے صنعت بحران کا شکار ہے، وفاقی حکومت نے اگر اس معاملے پر نظر ثانی نہ کی تو دواؤں کی قلت اور قیمتیں بڑھانے کے علاوہ کوئی چارہ نہیں ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔