- پراپرٹی لیکس نئی بوتل میں پرانی شراب، ہدف آرمی چیف: فیصل واوڈا
- کراچی کے سمندر میں پُراسرار نیلی روشنی کا معمہ کیا ہے؟
- ڈاکٹر اقبال چوہدری کی تعیناتی کے معاملے پر ایچ ای سی اور جامعہ کراچی آمنے سامنے
- بیٹا امریکا میں اور بیٹی میڈیکل کی طالبہ ہے، کراچی میں گرفتار ڈکیت کا انکشاف
- ژوب میں سیکیورٹی فورسز کی کارروائی میں تین دہشت گرد ہلاک، پاک فوج کے میجر شہید
- آئی ایم ایف کا ٹیکس چھوٹ، مراعات ختم کرنے کا مطالبہ
- خیبرپختونخوا حکومت کا اسکول طالب علموں کو مفت کتابیں اور بیگ دینے کا اعلان
- وفاقی کابینہ نے توشہ خانہ تحائف کے قوانین میں ترامیم کی منظوری دے دی
- پاکستان نے تیسرے ٹی ٹوئنٹی میں آئرلینڈ کو شکست دیکر سیریز اپنے نام کرلی
- اسلام آباد میں شہریوں کو گھر کی دہلیز پر ڈرائیونگ لائسنس بنانے کی سہولت
- ماؤں کے عالمی دن پر نا خلف بیٹے کا ماں پر تشدد
- پنجاب میں چائلڈ لیبر کے سدباب کے لیےکونسل کے قیام پرغور
- بھارتی وزیراعظم، وزرا کے غیرذمہ دارانہ بیانات یکسر مسترد کرتے ہیں، دفترخارجہ
- وفاقی وزارت تعلیم کا اساتذہ کی جدید خطوط پر ٹریننگ کیلیے انقلابی اقدام
- رواں مالی سال کی پہلی ششماہی میں معاشی حالات بہترہوئے، اسٹیٹ بینک
- شاہین آفریدی پیدائشی کپتان ہے، عاطف رانا
- نسٹ کے طلبہ کی تیار کردہ پاکستان کی پہلی ہائی برڈ فارمولا کار کی رونمائی
- عدالتی امور میں مداخلت مسترد، معاملہ قومی سلامتی کا ہے اسے بڑھایا نہ جائے، وفاقی وزرا
- راولپنڈی میں معصوم بچیوں کے ساتھ مبینہ زیادتی میں ملوث دو ملزمان گرفتار
- دکی میں کوئلے کی کان پر دہشت گردوں کے حملے میں چار افراد زخمی
’’ برفانی انسان کو گولی نہ ماریں ‘‘ ؛ امریکی پولیس کی شہریوں سے اپیل
برفانی انسان ایک افسانوی مخلوق ہے۔ اگرچہ اسے دیکھنے کا دعویٰ بہت سے لوگوں نے کیا ہے مگر اس کے وجود کا حتمی ثبوت اب تک کوئی پیش نہیں کرسکا۔
برفانی انسان کے بارے میں کہا جاتا ہے کہ اس کا قد آٹھ سے دس فٹ تک ہوتا ہے۔ شکل و صورت عام انسان سے مشابہ ہوتی ہے۔ جسم طاقت وَر اور ریچھ کی طرح بالوں سے بھرا ہوتا ہے۔ مبینہ طور پر یہ مخلوق برفانی علاقوں میں پائی جاتی ہے۔ کئی علاقوں میں اس کے پاؤں کے نشانات دیکھنے کے دعوے کیے گئے۔ یہ نشانات انسانی قدموں جیسے مگر سائز میں کئی گنا بڑے تھے۔ اسی لیے برفانی انسان کو مغرب میں ’ بگ فٹ ‘ کہا جاتا ہے۔
برفانی انسان یا بگ فٹ کی تلاش کے لیے اجتماعی سطح پر بھی متعدد کوشش ہوچکی ہیں۔ کئی اداروں نے اس کا کھوج لگانے کے لیے مہمات روانہ کیں جو ناکامی سے دوچار ہوئیں۔ کئی مہم جُو انفرادی طور پر اس کی تلاش میں روانہ ہوئے مگر برفانی انسان انھیں بھی دکھائی نہیں دیا۔ اگرچہ انھوں نے دعوے ضرور کیے مگر وہ اپنے دعووں کی سچائی کا کوئی ثبوت پیش نہیں کرسکے۔ بگ فٹ کے وجود کا ثبوت حاصل کرنے کے لیے برفانی علاقوں اور جنگلات میں جدید کیمرے لگائے گئے مگر یہ اس مخلوق کی ایک جھلک قید نہیں کرسکے۔
برفانی انسان قلم کاروں اور ہدایت کاروں کا پسندیدہ موضوع رہا ہے۔ اس پر متعدد ناول لکھے گئے ہیں، درجنوں ڈرامے اور فلمیں بنائی جاچکی ہیں۔ برفانی انسان کی موجودگی کے کوئی شواہد نہ ہونے کے باوجود لوگ اس کے سحر میں مبتلا ہیں۔ بہت سے لوگوں کو یقین ہے کہ یہ مخلوق موجود ہے۔ گاہے بگاہے برفانی انسان دیکھنے کے دعوے سامنے آتے رہتے ہیں۔ عام طور پر یہ دعوے مغربی ممالک میں رہنے والے کرتے ہیں۔ بگ فٹ دیکھنے کا تازہ ترین دعویٰ امریکی ریاست کیرولائنا میں سامنے آیا ہے۔ ریاست کے جنوبی حصے میں واقع میک ڈوول کاؤنٹی میں بگ فٹ دیکھے جانے کی اطلاعات سامنے آتی رہی ہیں۔ مقامی لوگوں نے اس مخلوق کی تلاش کے لیے ’ بگ فٹ نائن ون ون ‘ کے نام سے ایک گروپ تشکیل دے رکھا ہے۔ گروپ کے قیام کے بعد مقامی لوگوں سے اپیل کی گئی تھی کہ بگ فٹ کے دیکھے جانے کی اطلاع اسے دی جائے۔
چند روز قبل کچھ افراد نے بگ فٹ نائن ون ون پر فون کرکے اطلاع دی کہ انھیں مضافاتی جنگل میں دو پاؤں پر چلنے والی قوی الجثہ مخلوق نظر آئی ہے۔ یہ اطلاع عام ہوتے ہوتے پولیس ڈیپارٹمنٹ تک بھی پہنچ گئی۔ اس اطلاع کے بعد پولیس کی جانب سے تنبیہہ جاری کی گئی ہے کہ برفانی انسان کو گولی کا نشانہ نہ بنایا جائے۔ اس وارننگ کا سبب یہ نہیں کہ پولیس افسانوی مخلوق کو زندہ پکڑنا چاہتی ہے، بلکہ اس کی وجہ یہ ہے کہ بگ فٹ کے شبہے میں کوئی انسان نشانہ نہ بن جائے۔ ماضی میں ایسے کئی واقعات رونما ہوچکے ہیں جب بگ فٹ کے متلاشیوں نے جنگل میں شکار کی غرض سے موجود شخص کو بگ فٹ سمجھ کر اس پر بے ہوش کردینے والی گن آزما لی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔