بالی وڈ سے مقابلے کے لیے فنکاروں کو متحد کرنا پڑیگا ریشم

لالی وڈ کی اداکارہ ریشم نے کہا ہے کہ بھارتی انڈسٹری بالی ووڈ سے مقابلے کے لیے فنکاروں کو یکجا ہو کر کام کرنا پڑے گا۔

اپنے ایک انٹرویو میں ریشم نے کہا کہ لالی وڈ فنکارایک ہوجائیں تو ہم بھارتی انڈسٹری کو پیچھے چھوڑ سکتے ہیں، میں نہیں سمجھتی ہوں کہ ہماری انڈسٹری بالی وڈ کا مقابلہ نہیں کرسکتی، لالی وڈ کی ترقی کے لیے عملی اقدامات کرنے ہوں گے، صرف باتیں ہوتی رہیں گی تو پھر بدقسمتی سے انڈسٹری کی حالت مزید ابتر ہوجائے گی جو کسی کے بھی مفاد میں نہیں ہوگا۔




اداکارہ ریشم نے کہا کہ پاکستانی فنکاروں میں جو صلاحیت ہے انھوں نے کسی اور ملک میں نہیں دیکھا، ضرورت اس بات کی ہے کہ ٹیلنٹ کو سامنے لانے کے لیے نئے فنکاروں کو زیادہ سے زیادہ مواقع فراہم کیے جائیں۔