کرکٹ آسٹریلیا کی جانب سے انکار پر بنگلادیشی حکام کا دل ٹوٹ گیا

کرکٹ آسٹریلیا کی جانب سے رواں برس بنگال ٹائیگرز کی میزبانی سے انکار پر بنگلادیشی حکام کا دل ہی ٹوٹ گیا۔


بی سی بی کے چیف ایگزیکٹیو نظام الدین چوہدری نے کہا کہ آسٹریلیا جیسے بورڈ کو نفع نقصان سے ہٹ کر ٹیموں کی میزبانی کرنا چاہیے، ہم بھی کچھ ٹورز میں نفع نہ ہونے کے باوجود بعض ٹیموں کی میزبانی کرتے ہیں، انھوں نے مثال دی کہ جب پاکستان، بھارت، انگلینڈ اور آسٹریلیا کی ٹیمیں بنگلادیش کا رخ کرتی ہیں تب ہی انھیں منافع ہوتا ہے۔

واضح رہے کہ بنگلادیش کی جانب سے ٹور کی اس طرح منسوخی کو بھی توہین آمیز قرار دیا جارہا ہے۔