برازیلین فٹبالرز نے کوٹینہو کوسالگرہ کے دن انڈوں اور آٹے میں نہلا دیا

ورلڈ کپ کے حوالے سے ٹریننگ کے دوران برازیلین کھلاڑیوں نے اپنے ساتھی فلپ کوٹینہو کو 26 ویں سالگرہ پر انڈوں اور آٹے میں نہلا دیا۔


برازیل میں یہ روایت ہے کہ کسی کی سالگرہ پر اس پر انڈے اور آٹا ڈالا جاتا ہے، ٹریننگ سیشن کے دوران بھی کھلاڑیوں نے نہ صرف کوٹینہو پر انڈے ڈالے بلکہ ایک دوسرے کو بھی نشانہ بنایا، نیمار بھی اس کھیل میں مگن دکھائی دیے۔

اگرچہ سوچی میں درجہ حرارت 30 سینٹی گریڈ اور ابتدائی میچز میں گرمی برقرار رہنے کی توقع ہے تاہم برازیلین ٹیم نے اہم ترین معرکوں سے قبل اپنے اعصاب کو بالکل ٹھنڈا رکھا ہوا ہے۔