جونیئر اسکواش پاکستان کی 6رکنی ٹیم بھارت روانہ
ایونٹ 18 سے 29 جولائی تک چنئی میں شیڈول، منورزمان بہتر نتائج کیلیے پرامید
ایونٹ 18 سے 29 جولائی تک چنئی میں شیڈول، منورزمان بہتر نتائج کیلیے پرامید۔ فوٹو : فائل
عالمی جونیئراسکواش چیمپئن شپ میں شرکت کے لیے پاکستان کی6 رکنی ٹیم بھارت روانہ ہوگئی۔
میگا جونیئر ایونٹ بھارت کے شہر چنئی میں 18سے29جولائی تک کھیلا جائے گا، قومی جونیئر اسکواڈ میں عباس زیب، محمد عزیر، حارث قاسم، فرحان ہاشمی ،اسد اللہ خان اور عزیر شوکت شامل ہیں، منورزمان منیجرجبکہ فضل شاہ اور محمد یاسین بطور کوچ ٹیم کے ہمراہ بھارت روانہ ہوئے، پاکستان ٹیم چیمپئن شپ کے انفرادی اورٹیم ایونٹ مقابلوں میں شرکت کریگی۔
قبل ازیں پاکستان جونیئرٹیم کا ایک ہفتہ تک جاری رہنے والا تربیتی کیمپ پاکستان نیوی جہانگیر خان ، روشن خان اسکواش کمپلیکس پر مکمل ہوا، اپنے دور کے عظیم کھلاڑی اور سابق عالمی چیمپئن جہانگیر خان نے تربیتی کیمپ کی نگرانی کی، اس موقع پر انھوں نے کیمپ میں شریک کھلاڑیوں کو بعض اہم ٹپس دیں اورکھیل کے حوالے سے متعدد لیکچرز بھی دیے۔
دریں اثنا روانگی سے قبل نمائندہ ایکسپریس سے گفتگو کرتے ہوئے قومی جونیئر ٹیم کے منیجر اور سابق عالمی اسکواش چیمپئن قمر زمان کے صاحبزادے منور زمان نے کہا کہ عالمی جونیئر چیمپئن شپ کے لیے پاکستانی کھلاڑیوں نے بھر پور محنت کی ہے، اسلام آباد کے بعد کراچی میں منعقدہ تربیتی کیمپس میں پریکٹس کے دروان کھلاڑیوں کی تیکنیک کو بہتر بنانے کے ساتھ ان کی فزیکل فٹنس میں اضافے پرکافی توجہ دی گئی، ہمارے کھلاڑی مکمل طور پر فٹ ہیں اور قوی امید ہے کہ چیمپئن شپ میں بہتر نتائج فراہم کریں گے۔
میگا جونیئر ایونٹ بھارت کے شہر چنئی میں 18سے29جولائی تک کھیلا جائے گا، قومی جونیئر اسکواڈ میں عباس زیب، محمد عزیر، حارث قاسم، فرحان ہاشمی ،اسد اللہ خان اور عزیر شوکت شامل ہیں، منورزمان منیجرجبکہ فضل شاہ اور محمد یاسین بطور کوچ ٹیم کے ہمراہ بھارت روانہ ہوئے، پاکستان ٹیم چیمپئن شپ کے انفرادی اورٹیم ایونٹ مقابلوں میں شرکت کریگی۔
قبل ازیں پاکستان جونیئرٹیم کا ایک ہفتہ تک جاری رہنے والا تربیتی کیمپ پاکستان نیوی جہانگیر خان ، روشن خان اسکواش کمپلیکس پر مکمل ہوا، اپنے دور کے عظیم کھلاڑی اور سابق عالمی چیمپئن جہانگیر خان نے تربیتی کیمپ کی نگرانی کی، اس موقع پر انھوں نے کیمپ میں شریک کھلاڑیوں کو بعض اہم ٹپس دیں اورکھیل کے حوالے سے متعدد لیکچرز بھی دیے۔
دریں اثنا روانگی سے قبل نمائندہ ایکسپریس سے گفتگو کرتے ہوئے قومی جونیئر ٹیم کے منیجر اور سابق عالمی اسکواش چیمپئن قمر زمان کے صاحبزادے منور زمان نے کہا کہ عالمی جونیئر چیمپئن شپ کے لیے پاکستانی کھلاڑیوں نے بھر پور محنت کی ہے، اسلام آباد کے بعد کراچی میں منعقدہ تربیتی کیمپس میں پریکٹس کے دروان کھلاڑیوں کی تیکنیک کو بہتر بنانے کے ساتھ ان کی فزیکل فٹنس میں اضافے پرکافی توجہ دی گئی، ہمارے کھلاڑی مکمل طور پر فٹ ہیں اور قوی امید ہے کہ چیمپئن شپ میں بہتر نتائج فراہم کریں گے۔