پستہ قد فٹبالرز کا منفرد کوپا امریکا کپ ارجنٹائن میں جاری

پستہ قد فٹبالرزکا اپنی نوعیت کا منفرد کوپا امریکا فٹبال کپ ارجنٹائن میں جاری ہے۔

پستہ قد فٹبالرز کا کوپا امریکا فٹبال کپ ارجنٹائن میں جاری ہے جب کہ یہ ایونٹ اتوار کو ختم ہوگا۔ اس کا مقصد معاشرے میں نظرانداز کیے جانے والے ان پستہ قد کھلاڑیوں کو اپنی صلاحیتوں کے اظہار کا موقع فراہم کرنا ہے، ایونٹ میں چلی، کولمبیا، ارجنٹائن، برازیل، امریکا، کینیڈا، پیراگوئے، پیرو اور بولیویا کی ٹیمیں شریک ہیں۔




خیال رہے کہ مراکش کو بطور خاص مدعو کیاگیا ہے، انڈور گرائونڈ پر جاری ایونٹ میں گول کا سائز بھی چھوٹا رکھا گیا ہے۔