پی ایس ایل ٹریفک منصوبہ یونیورسٹی روڈ کرکٹ میچ کے دوران کھلا رہے گا
اسٹیڈیم جانیوالے راستے ٹریفک اور عام شہریوں کیلیے بند رہیں گے، شائقین کو شٹل سروس سے نیشنل اسٹیڈیم پہنچایا جائے گا۔
اسٹیڈیم جانیوالے راستے ٹریفک اور عام شہریوں کیلیے بند رہیں گے، شائقین کو شٹل سروس سے نیشنل اسٹیڈیم پہنچایا جائے گا۔ فوٹو: فائل
پاکستان سپر لیگ کے میچز کے موقع پر پولیس نے ٹریفک پلان کو حتمی شکل دے دی۔
ڈی آئی جی ٹریفک جاوید مہر نے اپنے دفتر میں میڈیا کو بریفنگ دیتے ہوئے کہا کہ کرکٹ کے شائقین پانچ مقامات پر اپنی گاڑیاں کھڑی کرسکتے ہیں،شٹل سروس کے ذریعے نیشنل اسٹیڈیم پہنچایا جائے گا ،پارکنگ جن مقامات پر کی گئی ان میں تین مقامات یونیورسٹی روڈ پر قائم حکیم سعید گراؤنڈ، اتوار بازار گراؤنڈ اور وفاقی اردو یونیورسٹی گراؤنڈ ہے۔
ضلع وسطی،غربی،سہراب گوٹھ ، صفورا اور اس کے اطراف سے آنے والے شائقین کرکٹ اپنی گاڑیاں مذکورہ مقام پر پارک کرسکتے ہیں، ایکسپو سینٹر میں چوتھی پارکنگ رکھی گئی،ضلع جنوبی اورضلع وسطی کے کرکٹ شائقین اپنی گاڑیاں بیت المکرم سے یو ٹرن لے کر ایکسپوسینٹر گیٹ نمبر 2 میں جاکر پارک کریں گے ، اس کے بعد انھیں شٹل سروس کے ذریعے اسٹیڈیم تک پہنچایا جائے گا ،پانچویں پارکنگ ڈالمیا روڈ پر قائم غریب نواز گراؤنڈ میں رکھی گئی،ضلع ملیر اور کورنگی کے کرکٹ شائقین
اپنی گاڑیاں مذکورہ گراؤنڈ میں پارک کریں گے ،ڈی آئی جی ٹریفک جاوید مہر نے مزید بتایا کہ کارساز سے نیشنل اسٹیڈیم اور ملینیم مال ڈالمیا روڈ سے نیشنل اسٹیڈیم جانے والے راستے ٹریفک اور عام پبلک کے لیے بند رہیں گے،اس طرح حسن اسکوائر سرشاہ سلیمان روڈ اسٹیڈیم جانے کیلیے عام پبلک کیلیے بند رہے گی، نیو ٹاؤن تھانے سے نیشنل اسٹیڈیم جانے والی سڑک ٹریفک کے لیے بند رہے گی ،اسٹیڈیم کے قریب دو بڑے اسپتال قائم ہیں ان میں ایمبولینس اور مریضوں کے تیمار دار نیو ٹاؤن تھانے سے مذکورہ اسپتال جاسکیں گے۔
ایئر پورٹ سے گلستان جوہر جانے والے افراد ڈرگ روڈ برج سے ملینیم مال ،نیپا اور راشد منہاس روڈ استعمال کر سکیں گے،جیل چورنگی سے راشد منہاس روڈ جانے اور آنے والے سڑک عام پبلک کے لیے کھلی رہے گی، لیاقت آباد غریب آباد سے حسن اسکوائر آنے والی ہیوی ٹریفک کو عزیز آباد کی طرف موڑ دیا جائے گا،پیپلز چورنگی سے یونیوسٹی روڈ آنے والی ہیوی ٹریفک کا داخلہ ممنوع ہوگا ،اس بار کرکٹ میچ کے دوران مین یونیورسٹی روڈ ٹریفک کے لیے کھلی رہے گی۔
جاوید مہر نے کہا کہ اسٹیڈیم کے اطراف میں رہائش پذیر افراد اپنے ساتھ قومی شناختی کارڈ دکھا کر گھروں کو جاسکیں گے ،ایک سوال کے جواب میں انھوں نے کہا کہ ٹریفک کو بحال رکھنے اور ڈیوٹی دینے والے 2 ہزار پولیس افسران وجوان ہوں گے،ان میں 7 ایس ایس پیز اور 20 ڈی ایس پیز شامل ہوں گے،کرکٹ میچ دیکھنے کے لیے نیشنل اسٹیڈیم آنے والے افراد قومی شناختی کارڈ اور ٹکٹ ضرور ساتھ لائیں۔
ڈی آئی جی ٹریفک نے عوام سے اپیل کی ہے وہ سڑکوں اور پاتھوں پر موٹر گاڑیاں پارک کرنے سے گریزکریں،کسی بھی صورت میں ٹریفک ہیلپ لائن 1915 ، واٹس اپ نمبر03059266907 یا پھر ایف ایم ریڈیو 88.6 سے تازہ ترین اپ ڈیٹ حاصل کرسکتے ہیں۔
ڈی آئی جی ٹریفک جاوید مہر نے اپنے دفتر میں میڈیا کو بریفنگ دیتے ہوئے کہا کہ کرکٹ کے شائقین پانچ مقامات پر اپنی گاڑیاں کھڑی کرسکتے ہیں،شٹل سروس کے ذریعے نیشنل اسٹیڈیم پہنچایا جائے گا ،پارکنگ جن مقامات پر کی گئی ان میں تین مقامات یونیورسٹی روڈ پر قائم حکیم سعید گراؤنڈ، اتوار بازار گراؤنڈ اور وفاقی اردو یونیورسٹی گراؤنڈ ہے۔
ضلع وسطی،غربی،سہراب گوٹھ ، صفورا اور اس کے اطراف سے آنے والے شائقین کرکٹ اپنی گاڑیاں مذکورہ مقام پر پارک کرسکتے ہیں، ایکسپو سینٹر میں چوتھی پارکنگ رکھی گئی،ضلع جنوبی اورضلع وسطی کے کرکٹ شائقین اپنی گاڑیاں بیت المکرم سے یو ٹرن لے کر ایکسپوسینٹر گیٹ نمبر 2 میں جاکر پارک کریں گے ، اس کے بعد انھیں شٹل سروس کے ذریعے اسٹیڈیم تک پہنچایا جائے گا ،پانچویں پارکنگ ڈالمیا روڈ پر قائم غریب نواز گراؤنڈ میں رکھی گئی،ضلع ملیر اور کورنگی کے کرکٹ شائقین
اپنی گاڑیاں مذکورہ گراؤنڈ میں پارک کریں گے ،ڈی آئی جی ٹریفک جاوید مہر نے مزید بتایا کہ کارساز سے نیشنل اسٹیڈیم اور ملینیم مال ڈالمیا روڈ سے نیشنل اسٹیڈیم جانے والے راستے ٹریفک اور عام پبلک کے لیے بند رہیں گے،اس طرح حسن اسکوائر سرشاہ سلیمان روڈ اسٹیڈیم جانے کیلیے عام پبلک کیلیے بند رہے گی، نیو ٹاؤن تھانے سے نیشنل اسٹیڈیم جانے والی سڑک ٹریفک کے لیے بند رہے گی ،اسٹیڈیم کے قریب دو بڑے اسپتال قائم ہیں ان میں ایمبولینس اور مریضوں کے تیمار دار نیو ٹاؤن تھانے سے مذکورہ اسپتال جاسکیں گے۔
ایئر پورٹ سے گلستان جوہر جانے والے افراد ڈرگ روڈ برج سے ملینیم مال ،نیپا اور راشد منہاس روڈ استعمال کر سکیں گے،جیل چورنگی سے راشد منہاس روڈ جانے اور آنے والے سڑک عام پبلک کے لیے کھلی رہے گی، لیاقت آباد غریب آباد سے حسن اسکوائر آنے والی ہیوی ٹریفک کو عزیز آباد کی طرف موڑ دیا جائے گا،پیپلز چورنگی سے یونیوسٹی روڈ آنے والی ہیوی ٹریفک کا داخلہ ممنوع ہوگا ،اس بار کرکٹ میچ کے دوران مین یونیورسٹی روڈ ٹریفک کے لیے کھلی رہے گی۔
جاوید مہر نے کہا کہ اسٹیڈیم کے اطراف میں رہائش پذیر افراد اپنے ساتھ قومی شناختی کارڈ دکھا کر گھروں کو جاسکیں گے ،ایک سوال کے جواب میں انھوں نے کہا کہ ٹریفک کو بحال رکھنے اور ڈیوٹی دینے والے 2 ہزار پولیس افسران وجوان ہوں گے،ان میں 7 ایس ایس پیز اور 20 ڈی ایس پیز شامل ہوں گے،کرکٹ میچ دیکھنے کے لیے نیشنل اسٹیڈیم آنے والے افراد قومی شناختی کارڈ اور ٹکٹ ضرور ساتھ لائیں۔
ڈی آئی جی ٹریفک نے عوام سے اپیل کی ہے وہ سڑکوں اور پاتھوں پر موٹر گاڑیاں پارک کرنے سے گریزکریں،کسی بھی صورت میں ٹریفک ہیلپ لائن 1915 ، واٹس اپ نمبر03059266907 یا پھر ایف ایم ریڈیو 88.6 سے تازہ ترین اپ ڈیٹ حاصل کرسکتے ہیں۔