بیرون ملک ملازمت کے نام پر کروڑوں لوٹنے والے 3 ٹھگ گرفتار
نوسربازعرفان،ارشداوریاسرپنجاب اورسندھ کے شہروں میں جعلسازی کے بعدکراچی میں روپوش تھے،ملزمان سے کاربرآمدکرلی گئی
ایئرپورٹ پولیس کے ہاتھوں گرفتار نوسرباز گروہ کے کارندے۔ فوٹو : ایکسپریس
ایئرپورٹ پولیس نے شہریوں سے بیرون ملک بھجوانے اور نوکری کا جھانسہ دے کر کروڑوں روپے لوٹنے والے نوسربازگروہ کے 3کارندوں کو گرفتارکرلیا۔
ایئرپورٹ پولیس نے خفیہ اطلاع پر نوسرباز گروہ کے 3 کارندوں عرفان، ارشد اور یاسر بشیر کو گرفتار کرلیا، گرفتار ملزمان پنجاب اور سندھ کے کئی شہروں میں جعلسازی کرنے کے بعد کراچی میں روپوش تھے ملزمان نے اعتراف کیا کہ وہ معصوم شہریوں سے بیرون ملک بھجوانے اور نوکری کا جھانسہ دے کر کروڑوں روپے لوٹ چکے ہیں۔
ملزمان کے قبضے سے ایک گاڑی اے کے کے۔456 پولیس نے برآمد کرکے اپنی تحویل میں لے لی ہے گرفتار ملزمان کے خلاف مقدمہ درج کرکے تفتیش شروع کردی گئی ہے۔
ایئرپورٹ پولیس نے شہریوں سے اپیل ہے کہ ان ملزمان کو کسی فراڈ کے حوالے سے جانتے ہوں تو رابطہ کریں۔
ایئرپورٹ پولیس نے خفیہ اطلاع پر نوسرباز گروہ کے 3 کارندوں عرفان، ارشد اور یاسر بشیر کو گرفتار کرلیا، گرفتار ملزمان پنجاب اور سندھ کے کئی شہروں میں جعلسازی کرنے کے بعد کراچی میں روپوش تھے ملزمان نے اعتراف کیا کہ وہ معصوم شہریوں سے بیرون ملک بھجوانے اور نوکری کا جھانسہ دے کر کروڑوں روپے لوٹ چکے ہیں۔
ملزمان کے قبضے سے ایک گاڑی اے کے کے۔456 پولیس نے برآمد کرکے اپنی تحویل میں لے لی ہے گرفتار ملزمان کے خلاف مقدمہ درج کرکے تفتیش شروع کردی گئی ہے۔
ایئرپورٹ پولیس نے شہریوں سے اپیل ہے کہ ان ملزمان کو کسی فراڈ کے حوالے سے جانتے ہوں تو رابطہ کریں۔