جیولری کی برآمد کیلیے ایکسپورٹرزکی ٹی ڈیپ میں رجسٹریشن لازمی قرار

وفاقی حکومت نے قیمتی دھاتوں وپتھروں اور جیولری کی برآمد کے لیے برآمد کنندگان کی ٹریڈ ڈیولپمنٹ اتھارٹی (ٹی ڈی اے پی) میں رجسٹریشن کو لازمی قراردے دیا ہے۔


ملک سے قیمتی دھاتوں، جیولری و قیمتی پتھروں کی درآمد و برآمد کے لیے جاری نئی پالیسی وپروسیجر کی مزید تفصیلات کے مطابق سیلف کنسائنمنٹ اسکیم کے تحت برآمد کنندگان کو زیورات کی برآمد پر ڈلیوری آف پیمنٹ پر جاری کردہ ناقابل واپسی لیٹر آف کریڈٹ اورایڈوانس پیمنٹ وصول کرنا ہوگی۔

اس ضمن میں وزارت تجارت نے ایس آر او 760(I)/2013کے تحت امپورٹ اینڈ ایکسپورٹ آرڈر 2013 جاری کیا ہے جس میں 7 ضمیمے بھی شامل ہیں۔