سرجانی ٹاؤن میں قتل کے مقدمے میں نامزد مقتول کی اہلیہ اور بیٹی گرفتار

سرجانی ٹاؤن انویسٹی گیشن پولیس نے قتل کے مقدمے میں نامزد مقتول کی اہلیہ اور بیٹی کو گرفتار کرلیا۔


ایس پی انویسٹی گیشن ویسٹ عابد قائم خانی نے بتایا کہ گزشتہ ہفتے کی شب سرجانی ٹاؤن میں بیدردی سے قتل کیے جانے والے محمد اقبال کے بھائی سلمان کی مدعیت میں درج کیے جانے والے مقدمے میں نامزد مقتول کی اہلیہ شمع اور بیٹی اریبہ کو ایس آئی او سرجانی ٹاؤن غلام رسول ارباب نے گرفتار کر کے آلہ قتل تیز دھار آلہ (چھری) برآمد کرلی جب کہ مقدمے میں نامزد مقتول کے داماد رضا کی تلاش میں پولیس چھاپے مار رہی ہے۔