سرکاری نرخ نامہ مذاق بن کررہ گیا گراں فروشوں کی من مانی جاری
صارفین کے روزانہ کروڑوں روپے منافع خوروں کی جیبوں میں چلے جاتے ہیں، کوکب اقبال
سرکاری نرخ نامہ کمشنر کراچی کی ویب سائٹ اور فیس بک پر اپ لوڈ کرتے ہیں،دکاندار پرنٹ لے سکتا ہے،ایڈیشنل کمشنر ڈاکٹر وقاص روشن ۔ فوٹو:فائل
سرکاری نرخ نامہ مذاق بن کر رہ گیا،گراں فروشوں کی من مانی جاری ہے ، اشیائے خوردونوش کی قیمتوں کا حقیقی معنوں میں تعین کرنے کے بعد قیمتیں مقرر کی جائیں ابھی تک پرائس لسٹ جاری کرنے کا صارفین کو کوئی فائدہ حاصل نہیں ہوا کیونکہ قیمتیں مقررکرنے کا کوئی میکنیزم نہیں، صارفین کے روزانہ کروڑوں روپے منافع خوروں کی جیبوں میں چلے جاتے ہیں، کمشنر کراچی ٹاسک فورس کی سرگرمیوں کو فوری بحال کرنے کانوٹیفکیشن جاری کیا جائے۔
منافع خوروں سے جرمانے کی مد میں وصول کی جانے والی رقم حکومت کے خزانے میں جمع کرنے کے بجائے مختلف مارکیٹوں میں صارفین کی آگہی اور شکایت دور کرنے کیلیے شکایتی مراکز کا قیام عمل میں لایا جائے،یہ بات کنزیومر ایسوسی ایشن آف پاکستان کے چیئرمین کوکب اقبال نے ایڈیشنل کمشنر ڈاکٹر وقاص روشن سے ان کے دفتر میں ملاقات کے موقع پر کہی،انھوں نے کہا کہ سبزی ، پھل ، گوشت ، دودھ اور کریانہ آئٹم کی لسٹ میں درج نرخوں کے مطابق پورے کراچی میں کہیں بھی اشیا دستیاب نہیں ہیں،کمشنر کراچی کے واٹس اپ نمبر شکایت کرنے کے باوجود کوئی کارروائی عمل میں نہیں لائی جاتی اگر صارف کی شکایت درج کرلی جاتی ہے تو اس کو کارروائی کے بارے میں آگاہ کرنے کا بھی سلسلہ شروع کیا جانا چاہیے تاکہ صارفین کو معلوم ہوسکے کہ ان کی شکایت کی شنوائی ہوئی۔
انھوں نے کہا کہ اجناس سمیت ہر اشیا کی قیمتوں کا حقیقی معنوں میں تعین کرنے کے بعد پرائس لسٹ جاری کی جائے اور حکومتی مشینری بھرپور طریقے سے پرائس کنٹرول کرنے کیلیے اقدامات کرے، سبزی و کریانہ اور گوشت کی دکانوں پر کرونا وائرس کی اس اوپی پر عمل نہیں کرا جارہا ہے جس سے مہلک مرض بڑھ سکتا ہے ،انھوں نے تجویز دی کہ اس سلسلے میں متعلقہ مارکیٹ ایسوسی ایشن سے رابطہ کرکے عمل کرایا جائے، انھوں نے کہا کہ کرونا وائرس کی وجہ سے بڑی تعداد میں بے روزگار طبقہ سبزی و پھل فروخت کرنے پر مجبور ہے۔
ان حالات میں ان پر جرمانے کرنے کے بجائے وارننگ دی جائے تاکہ اپنے خاندان کی کفالت کرسکیں، ایڈیشنل کمشنر ڈاکٹر وقاص روشن نے بتایا کہ گزشتہ کئی دنوں سے کراچی کی مختلف مارکیٹوں میں منافع خوروں کے خلاف کارروائی کی جارہی ہے، پرائس لسٹوں کو چھاپنے کے بعد کمشنر کراچی کی ویب سائٹ اور فیس بک پر اپ لوڈ کردیا جاتا ہے جہاں سے دکاندار لسٹ کو ڈاؤن لوڈ کرکے پرنٹ لے سکتا ہے، ڈاکٹر وقاص روشن نے بتایا کہ وہ خود اور کمشنر آفس کا اسٹاف منافع خوری کو روکنے کیلیے عملی اقدامات کر رہے ہیں اس سلسلے میں روزانہ کی بنیاد پر مختلف مارکیٹوں کو چیک کرارہے ہیں اور منافع خوروں پر نہ صرف جرمانہ کیا جارہا ہے بلکہ ان کو جیل بھی بھیجا جارہا ہے۔
منافع خوروں سے جرمانے کی مد میں وصول کی جانے والی رقم حکومت کے خزانے میں جمع کرنے کے بجائے مختلف مارکیٹوں میں صارفین کی آگہی اور شکایت دور کرنے کیلیے شکایتی مراکز کا قیام عمل میں لایا جائے،یہ بات کنزیومر ایسوسی ایشن آف پاکستان کے چیئرمین کوکب اقبال نے ایڈیشنل کمشنر ڈاکٹر وقاص روشن سے ان کے دفتر میں ملاقات کے موقع پر کہی،انھوں نے کہا کہ سبزی ، پھل ، گوشت ، دودھ اور کریانہ آئٹم کی لسٹ میں درج نرخوں کے مطابق پورے کراچی میں کہیں بھی اشیا دستیاب نہیں ہیں،کمشنر کراچی کے واٹس اپ نمبر شکایت کرنے کے باوجود کوئی کارروائی عمل میں نہیں لائی جاتی اگر صارف کی شکایت درج کرلی جاتی ہے تو اس کو کارروائی کے بارے میں آگاہ کرنے کا بھی سلسلہ شروع کیا جانا چاہیے تاکہ صارفین کو معلوم ہوسکے کہ ان کی شکایت کی شنوائی ہوئی۔
انھوں نے کہا کہ اجناس سمیت ہر اشیا کی قیمتوں کا حقیقی معنوں میں تعین کرنے کے بعد پرائس لسٹ جاری کی جائے اور حکومتی مشینری بھرپور طریقے سے پرائس کنٹرول کرنے کیلیے اقدامات کرے، سبزی و کریانہ اور گوشت کی دکانوں پر کرونا وائرس کی اس اوپی پر عمل نہیں کرا جارہا ہے جس سے مہلک مرض بڑھ سکتا ہے ،انھوں نے تجویز دی کہ اس سلسلے میں متعلقہ مارکیٹ ایسوسی ایشن سے رابطہ کرکے عمل کرایا جائے، انھوں نے کہا کہ کرونا وائرس کی وجہ سے بڑی تعداد میں بے روزگار طبقہ سبزی و پھل فروخت کرنے پر مجبور ہے۔
ان حالات میں ان پر جرمانے کرنے کے بجائے وارننگ دی جائے تاکہ اپنے خاندان کی کفالت کرسکیں، ایڈیشنل کمشنر ڈاکٹر وقاص روشن نے بتایا کہ گزشتہ کئی دنوں سے کراچی کی مختلف مارکیٹوں میں منافع خوروں کے خلاف کارروائی کی جارہی ہے، پرائس لسٹوں کو چھاپنے کے بعد کمشنر کراچی کی ویب سائٹ اور فیس بک پر اپ لوڈ کردیا جاتا ہے جہاں سے دکاندار لسٹ کو ڈاؤن لوڈ کرکے پرنٹ لے سکتا ہے، ڈاکٹر وقاص روشن نے بتایا کہ وہ خود اور کمشنر آفس کا اسٹاف منافع خوری کو روکنے کیلیے عملی اقدامات کر رہے ہیں اس سلسلے میں روزانہ کی بنیاد پر مختلف مارکیٹوں کو چیک کرارہے ہیں اور منافع خوروں پر نہ صرف جرمانہ کیا جارہا ہے بلکہ ان کو جیل بھی بھیجا جارہا ہے۔