حمزہ شہباز اپنی آنکھوں اور کانوں کا علاج کرائیں فیاض چوہان
حمزہ کو پڑھنے اور سننے میں دشواری ہورہی ہے کیوں کہ کورونا وبا اور ٹڈی دل حملوں میں اس سے بہتر بجٹ نہیں آسکتا
حمزہ کو پڑھنے اور سننے میں دشواری ہورہی ہے کیوں کہ کورونا وبا اور ٹڈی دل حملوں میں اس سے بہتر بجٹ نہیں آسکتا (فوٹو : فائل)
وزیر اطلاعات پنجاب فیاض الحسن چوہان نے کہا ہے کہ حمزہ شہباز کو شاید بجٹ پڑھنے اور سننے میں دشواری کا سامنا کرنا پڑ رہا ہے، میرا مشورہ ہے کہ وہ اپنی آنکھوں اور کانوں کا علاج کروائیں۔
حمزہ شہباز کی جانب سے بجٹ پر تنقید کے ردِعمل میں انہوں نے کہا کہ پنجاب کا نئے ٹیکس عائد نہ کرنے والا بجٹ اپنی نوعیت کا پہلا بجٹ ہے، بزدار حکومت نے 56 ارب روپے سے زائد کے ٹیکس ریلیف پیکیج کا اعلان کیا ہے جس کی سابقہ ادوار میں مثال نہیں ملتی، موجودہ بجٹ میں لیگی دور کے عائد کردہ متعدد ٹیکسز میں کمی کی گئی یا انہیں بالکل ختم کر دیا گیا ہے۔
وزیر اطلاعات نے بتایا کہ ٹیکسٹائل، لیدر، آئی ٹی، کیٹرنگ، گیسٹ ہاؤسز اور چھوٹے ہوٹلوں پر ٹیکس 16 سے 5 فیصد کیا گیا ہے، ہیلتھ انشورنس اور ہسپتالوں پر ٹیکس کی شرح کو کم کر کے زیرو فیصد کیا گیا ہے جبکہ انٹرٹینمنٹ ڈیوٹی کی شرح 20 سے 5 فیصد تک کرنے سمیت تمام سنیما گھروں کو ایک سال کے لیے انٹرٹینمنٹ ڈیوٹی سے استثنیٰ دیا گیا ہے۔
فیاض الحسن چوہان نے بتایا کہ بزدار حکومت کیش کی بجائے آن لائن ادائیگیوں پر ٹیکس چھوٹ کی شرح زیادہ کر رہی ہے، اس اقدام سے معیشت کو ڈاکیومنٹ کرنے میں مدد ملے گی، کورونا وبا، ٹڈی دل حملوں اور متوقع سیلاب کے تناظر میں اس سے بہتر بجٹ دینا ممکن نہیں تھا۔
ان کا مزید کہنا تھا کہ حمزہ شہباز منفی سیاست کی بجائے ثابت کریں کہ وہ اپنے باپ اور چچا کی سیاست سے مختلف انداز رکھتے ہیں۔
حمزہ شہباز کی جانب سے بجٹ پر تنقید کے ردِعمل میں انہوں نے کہا کہ پنجاب کا نئے ٹیکس عائد نہ کرنے والا بجٹ اپنی نوعیت کا پہلا بجٹ ہے، بزدار حکومت نے 56 ارب روپے سے زائد کے ٹیکس ریلیف پیکیج کا اعلان کیا ہے جس کی سابقہ ادوار میں مثال نہیں ملتی، موجودہ بجٹ میں لیگی دور کے عائد کردہ متعدد ٹیکسز میں کمی کی گئی یا انہیں بالکل ختم کر دیا گیا ہے۔
وزیر اطلاعات نے بتایا کہ ٹیکسٹائل، لیدر، آئی ٹی، کیٹرنگ، گیسٹ ہاؤسز اور چھوٹے ہوٹلوں پر ٹیکس 16 سے 5 فیصد کیا گیا ہے، ہیلتھ انشورنس اور ہسپتالوں پر ٹیکس کی شرح کو کم کر کے زیرو فیصد کیا گیا ہے جبکہ انٹرٹینمنٹ ڈیوٹی کی شرح 20 سے 5 فیصد تک کرنے سمیت تمام سنیما گھروں کو ایک سال کے لیے انٹرٹینمنٹ ڈیوٹی سے استثنیٰ دیا گیا ہے۔
فیاض الحسن چوہان نے بتایا کہ بزدار حکومت کیش کی بجائے آن لائن ادائیگیوں پر ٹیکس چھوٹ کی شرح زیادہ کر رہی ہے، اس اقدام سے معیشت کو ڈاکیومنٹ کرنے میں مدد ملے گی، کورونا وبا، ٹڈی دل حملوں اور متوقع سیلاب کے تناظر میں اس سے بہتر بجٹ دینا ممکن نہیں تھا۔
ان کا مزید کہنا تھا کہ حمزہ شہباز منفی سیاست کی بجائے ثابت کریں کہ وہ اپنے باپ اور چچا کی سیاست سے مختلف انداز رکھتے ہیں۔