شہریوں کا حب الوطنی کا اظہار یوم آزادی پر 25 ارب کی خریداری
73ویں یوم آزادی پر مارکیٹوں میں سجاوٹ، کیک کاٹنے، پرچم کشائی ،آتش بازی اورملی نغموں کے سیکڑوں پروگراموں کاانعقاد
مقامی بازار چینی اور پاکستانی سامان کی بڑی مارکیٹ میں تبدیل ، 70فیصد درآمدی اور30 فیصد مقامی سامان کا حصہ رہا۔ فوٹو: فائل
یوم آزادی پر پاکستانیوں نے جذبہ حب الوطنی کی انوکھی مثال قائم کردی اور کورونا وائرس عوام کے دلوں سے ملک کی محبت کا جوش کم نہ کرسکا جب کہ کراچی کے شہریوں نے 73ویں یومِ آزادی پر 25 ارب روپے کی خریداری کا ریکارڈ قائم کردیا۔
آل کراچی تاجر اتحاد کے چیئرمین عتیق میر نے کہا ہے کہ کراچی کے شہریوں نے وطن، قوم، افواج پاکستان سے عقیدت، محبت اور اظہارِ یکجہتی کی نئی تاریخ رقم کردی ہے، بیشتر نوجوانوں نے عید پر نیا سوٹ سلوانے کے بجائے ملک سے اظہار یکجہتی کے طور پر سبز ہلالی پرچم کی ٹی شرٹس اور ٹراؤزر پہنا۔
انھوں نے کہا کہ 14اگست سے قبل ہی یوم آزادی کی تقریبات اور جشن کی گہما گہمی شروع ہوچکی تھی، شہر قائد قومی پرچموں، برقی قمقموں، رنگین جھالروں اور جھنڈیوں سے جگمگاتا رہا، شہر میں ہر جانب قومی اور ملی نغموں کی گونج سنائی دیتی رہی، رواں سال عوام میں جشن آزادی کا روایتی جوش وخروش اور ولولہ ماضی کے مقابلے میں کئی گنا زیادہ نظر آیا۔
عتیق میر نے کہا ہے کہ یہ بات انتہائی خوش آئند ہے کہ قوم کا ملک اور فوج سے عشق جنون کی حد تک بڑھ رہا ہے جو کہ دشنمنانِ پاکستان کو کھلا پیغام ہے کہ جس ملک کا بچہ بچہ مجاہد ہو اسے تر نوالہ سمجھنے کی غلطی نہ کرے۔
انھوں نے کہا کہ 73ویں یومِ آزادی پر مارکیٹوں میں سجاوٹ، کیک کاٹنے، پرچم کشائی اور آتشبازی کیسیکڑوں تقاریب منعقد کی گئیں جن کی ماضی میں کوئی نظیر نہیں ملتی، گلی گلی قومی پرچموں کی فروخت کے اسٹالز لگائے گئے، جشن آزادی پر مقامی بازار چین سے درآمد شدہ اور پاکستانی سامان کی بہت بڑی مارکیٹ میں تبدیل ہوگیا ، جس میں 70فیصد درآمدی اور30فیصد مقامی سامان کا حصہ رہا، بازاروں میں جھنڈے، ٹی شرٹس، بیجز، کیپس، غبارے، چوڑیاں، ماسک ، جھنڈیاں، کانوں کے بندے، بنیانیں، خواتین، بچوں اور نوجوانوں کے سبز ہلالی ریڈی میڈ گارمنٹس، دوپٹے، ملّی نغموں کی سی ڈیز، آتش بازی کا سامان، فیس پینٹنگ، بچوں کی عینکیں، کڑے اور دیگر اشیاکی بھرپور خریداری کی گئی۔
آزادی کی خوشی میں رواں سال بھی ملّی نغموں پر مشتمل موسیقی کے پروگرام اور قومی پرچم لہرانے کی ہزاروں تقریبات کی گئیں،بسوں، رکشوں، ٹرکوں اور موٹر سائیکلوں پر جھنڈے لہرائے گئے،بیشتر مقامات پر دعوتوں کا اہتمام، مٹھائی تقسیم اور آزادی کی سالگرہ کے کیک بھی کاٹے گئے۔
آل کراچی تاجر اتحاد کے چیئرمین عتیق میر نے کہا ہے کہ کراچی کے شہریوں نے وطن، قوم، افواج پاکستان سے عقیدت، محبت اور اظہارِ یکجہتی کی نئی تاریخ رقم کردی ہے، بیشتر نوجوانوں نے عید پر نیا سوٹ سلوانے کے بجائے ملک سے اظہار یکجہتی کے طور پر سبز ہلالی پرچم کی ٹی شرٹس اور ٹراؤزر پہنا۔
انھوں نے کہا کہ 14اگست سے قبل ہی یوم آزادی کی تقریبات اور جشن کی گہما گہمی شروع ہوچکی تھی، شہر قائد قومی پرچموں، برقی قمقموں، رنگین جھالروں اور جھنڈیوں سے جگمگاتا رہا، شہر میں ہر جانب قومی اور ملی نغموں کی گونج سنائی دیتی رہی، رواں سال عوام میں جشن آزادی کا روایتی جوش وخروش اور ولولہ ماضی کے مقابلے میں کئی گنا زیادہ نظر آیا۔
عتیق میر نے کہا ہے کہ یہ بات انتہائی خوش آئند ہے کہ قوم کا ملک اور فوج سے عشق جنون کی حد تک بڑھ رہا ہے جو کہ دشنمنانِ پاکستان کو کھلا پیغام ہے کہ جس ملک کا بچہ بچہ مجاہد ہو اسے تر نوالہ سمجھنے کی غلطی نہ کرے۔
انھوں نے کہا کہ 73ویں یومِ آزادی پر مارکیٹوں میں سجاوٹ، کیک کاٹنے، پرچم کشائی اور آتشبازی کیسیکڑوں تقاریب منعقد کی گئیں جن کی ماضی میں کوئی نظیر نہیں ملتی، گلی گلی قومی پرچموں کی فروخت کے اسٹالز لگائے گئے، جشن آزادی پر مقامی بازار چین سے درآمد شدہ اور پاکستانی سامان کی بہت بڑی مارکیٹ میں تبدیل ہوگیا ، جس میں 70فیصد درآمدی اور30فیصد مقامی سامان کا حصہ رہا، بازاروں میں جھنڈے، ٹی شرٹس، بیجز، کیپس، غبارے، چوڑیاں، ماسک ، جھنڈیاں، کانوں کے بندے، بنیانیں، خواتین، بچوں اور نوجوانوں کے سبز ہلالی ریڈی میڈ گارمنٹس، دوپٹے، ملّی نغموں کی سی ڈیز، آتش بازی کا سامان، فیس پینٹنگ، بچوں کی عینکیں، کڑے اور دیگر اشیاکی بھرپور خریداری کی گئی۔
آزادی کی خوشی میں رواں سال بھی ملّی نغموں پر مشتمل موسیقی کے پروگرام اور قومی پرچم لہرانے کی ہزاروں تقریبات کی گئیں،بسوں، رکشوں، ٹرکوں اور موٹر سائیکلوں پر جھنڈے لہرائے گئے،بیشتر مقامات پر دعوتوں کا اہتمام، مٹھائی تقسیم اور آزادی کی سالگرہ کے کیک بھی کاٹے گئے۔