معروف صحافی عبد الحمید چھاپرا سپردخاک

ملک کے معروف صحافی ٹریڈ یونین رہنما اورکراچی پریس کلب کے سابق صدر عبدالحمید چھاپرا کو صفوراگوٹھ قبرستان میں سپردخاک کردیا گیا۔


مرحوم عبدالحمید چھاپرا کی نماز جنازہ بدھ کو بعد نماز عصر ادا کی گئی جس میں مرحوم کے اہل خانہ، عزیز واقارب، پی ایف یو جے، کے یوجے، کراچی پریس کلب کے عہدیداروں، سیاسی وسماجی، مزدور تنظیموں کے رہنمائوں اور صحافیوں کی بڑی تعداد نے شرکت کی۔

دریں اثنا عبدالحمید چھاپرا کے انتقال پرایسوسی ایشن آف کراچی اسائمنٹ ایڈیٹرز (اکائی) نے افسوس کا اظہارکیا ہے، اپنے بیان میں کہا کہ عبدالحمید چھاپرا کے انتقال سے جو خلا پاکستانی صحافت میں پیدا ہوا ہے وہ کبھی پر نہیں ہوسکتا۔