فرانس کے صدر اولاند کا اداکارہ کیساتھ اسکینڈل منظرعام پر

فرانس کے صدر فرانسو اولاند ہولینڈ کا اداکارہ جولی گائیت کے ساتھ اسکینڈل منظر عام پر آگیا۔

ایک فرانسیسی میگزین''کلوزر'' نے 59 سالہ صدر اولاند اور41 سالہ جولی گائیت کی7 صفحات پر مشتمل تصاویر شائع کی ہیں جبکہ میگزین نے ویب ساٹ پر جاری کی گئی اپنی رپورٹ میں لکھا ہے کہ صدر اولاند ہر نئے سال کے موقع پر ہیلمٹ پہنے اسکوٹرکا سفر کرکے اداکارہ کے اپارٹمنٹ جاتے اور اس کے ساتھ رات گزارتے۔ رپورٹ میں کہا گیا ہے کہ جب اداکارہ سے ملنے جاتے تو اس وقت ان کے ساتھ صرف ایک سیکیورٹی گارڈ ہوتا تھا۔




واضح رہے کہ اداکارہ گائیت جو کہ 50 سے زائد فلموں میں کام کرچکی ہیں، اب شادی شدہ ہیں اور ان کے 4 بچے بھی ہیں۔ دوسری طرف فرانسیسی صدر نے کلوزر میگزین کے الزامات کو رد کرتے ہوئے کہا ہے کہ ''یہ ان کے ذاتی نوعیت کے حقوق پر حملہ ہے، ان حقوق کا وہ بھی اتنا ہی حق رکھتے ہیں جتنا کہ ایک عام شہری''۔ صدر ہولینڈ کا کہنا ہے کہ وہ اس معاملے میں ممکن حد تک ایکشن لیں گے۔