مزدور 6 ہزار میں کام پر مجبور ہمیں ترجیحات بدلنا ہونگی حکیم بلوچ

ریلوے کے وزیر مملکت عبدالحکیم بلوچ نے کہا ہے کہ ریلوے کی نجکاری کا کوئی فیصلہ نہیں ہوا۔

ادارے کے حالات پہلے سے کافی بہتر ہوئے ہیں۔ پی ٹی وی کے مطابق حیدر آباد میں صحافیوں سے گفتگو کرتے ہوئے حکیم بلوچ نے کہا کہ ریلوے کو منافع بخش ادارہ بنانے کیلیے حکومت ہر ممکن اقدام کر رہی ہے۔ وزیر مملکت نے کہا کہ کراچی آپریشن میں کامیابی کیلیے مزید اقدامات کی ضرورت ہے۔ صوبے میں پیپلز پارٹی کی حکومت ہے اور امن و امان کے حوالے سے اس پر بڑی ذمے داری عائد ہوتی ہے۔




اس سے قبل جبری مشقت کے موضوع پر سیمینار سے خطاب کرتے ہوئے وزیر مملکت حکیم بلوچ نے کہا کہ معاشرے میں سرمایہ دارانہ اور ٹھیکے داری نظام مضبوط ہوتا جا رہا ہے جس سے مزدور ماہانہ 6 سے7 ہزار روپے میں کام کرنے پر مجبور ہے۔ انہوں نے کہا کہ دنیا گلوبل ولیج بن گئی ہے اس لیے ہمیں اپنی ترجیحات کو تبدیل کرنا ہوگا۔