ایف پی سی سی آئی کی ایکسپریس نیوز کے کارکنوں کے قتل کی مذمت
اگر پہلے دو حملوں کے ملزمان پکڑے جاتے تو یہ واقعہ رونما نہیں ہو سکتا تھا، قائم مقام صدر
کراچی میں جاری آپریشن سوالیہ نشان بن گیا، گلزارفیروز، شاہین سروانہ، محمد علی ودیگر۔ فوٹو: فائل
وفاق ایوانہائے صنعت و تجارت (ایف پی سی سی آئی) نے کراچی میں میڈیا ملازمین پر جان لیوا حملے کی بھرپور مذمت کرتے ہوئے مرحومین کے لواحقین سے دلی ہمدردی اورصحافی برادری سے بھر پور اظہار یکجہتی کیا ہے۔
وفاقی چیمبر کے قائم مقام صدر ظفر جلیل خان مستی خیل، نائب صدور گلزار فیروز، شاہین الیاس سروانہ ، محمد علی اور دیگر نے یہاں جاری شدہ ایک بیان میں کہا کہ حکومت صحافت سے وابستہ افراد کی سیکیورٹی، مرحومین کے اہل خانہ کی مالی امداد اور مجرموں کی گرفتاری یقینی بنائے ورنہ کراچی میں جاری آپریشن کے متعلق سوالات کھڑے ہو جائیں گے۔
انھوں نے کہا کہ صحافیوں پر بزدلانہ حملوں کا رجحان بڑھ رہا ہے جس کی وجہ سے پاکستان صحافت سے وابستہ افراد کے لیے دنیا کے پانچ خطرناک ترین ممالک میں شامل ہو گیا ہے جو ناقابل قبول ہے۔کاروباری برادری ایکسپریس نیوز کے تین ملازمین کے بہیمانہ قتل کی بھرپور مذمت کرتی ہے اور ملک بھر خصوصاً کراچی میں سیکیورٹی اقدامات بڑھانے کا مطالبہ کرتی ہے تاکہ لوگ موجودہ آپریشن کو ایک اور لاحاصل کوشش نہ سمجھیں۔ اگر ایکسپریس نیوز پر پہلے دو حملوں کے ملزمان پکڑے جاتے تو یہ واقعہ رونما نہیں ہو سکتا تھا۔
وفاقی چیمبر کے قائم مقام صدر ظفر جلیل خان مستی خیل، نائب صدور گلزار فیروز، شاہین الیاس سروانہ ، محمد علی اور دیگر نے یہاں جاری شدہ ایک بیان میں کہا کہ حکومت صحافت سے وابستہ افراد کی سیکیورٹی، مرحومین کے اہل خانہ کی مالی امداد اور مجرموں کی گرفتاری یقینی بنائے ورنہ کراچی میں جاری آپریشن کے متعلق سوالات کھڑے ہو جائیں گے۔
انھوں نے کہا کہ صحافیوں پر بزدلانہ حملوں کا رجحان بڑھ رہا ہے جس کی وجہ سے پاکستان صحافت سے وابستہ افراد کے لیے دنیا کے پانچ خطرناک ترین ممالک میں شامل ہو گیا ہے جو ناقابل قبول ہے۔کاروباری برادری ایکسپریس نیوز کے تین ملازمین کے بہیمانہ قتل کی بھرپور مذمت کرتی ہے اور ملک بھر خصوصاً کراچی میں سیکیورٹی اقدامات بڑھانے کا مطالبہ کرتی ہے تاکہ لوگ موجودہ آپریشن کو ایک اور لاحاصل کوشش نہ سمجھیں۔ اگر ایکسپریس نیوز پر پہلے دو حملوں کے ملزمان پکڑے جاتے تو یہ واقعہ رونما نہیں ہو سکتا تھا۔