جعلی ریفنڈ کلیمز کا شبہ ایف بی آر نے افغانستان سے رجوع کرلیا

فیڈرل بورڈ آف ریونیو(ایف بی آر) نے افغانستان کو جعلی برآمدات ظاہر کرکے سیلز ٹیکس ریفنڈ کلیم کرنے کے شبہ میں 12 کمپنیوں کا ڈیٹا تصدیق کے لیے افغان صوبہ ننگر ہار کے چیف کسٹمز کو بھجوا دیا ہے۔

''ایکسپریس'' کو دستیاب دستاویز کے مطابق ایف بی آر نے چیف کمشنر ان لینڈ ریونیو ریجنل ٹیکس آفس لاہورکی طرف سے موصول ہونے والے لیٹر کی بنیاد پر ان 12 کمپنیوں کے ٹیکس گوشواروں اور ریفنڈکلیمز میں ظاہر کردہ افغانستان کو اشیا کی برآمد کا ڈیٹا بھجوایا گیا ہے۔




دستاویز کے مطابق افغان صوبے ننگر ہار کے چیف کسٹمز کو ایف بی آرنے مذکورہ کمپنیوں کے گوشواروں اور ریفنڈ کلیمز میںدی جانے والی 930 گڈز ڈکلیریشنز(جی ڈیز) تصدیق کیلیے بھجوائیہیں تاکہ یہ معلوم ہوسکے کہ ان جی ڈیز کے تحت اشیا افغانستان کو اصل میں برآمد ہوئی بھی یا نہیں۔ دستاویز میں کمپنیوں کے نام اور ان کی بھیجی گئی جی ڈیز کی تفصیلات بھی دی گئی ہیں۔