تیزترین 100 شکار، ریشابھ پنت نے دھونی سے ریکارڈ چھین لیا

سنچورین:  ریشابھ پنت نے شکاروں کی تیز ترین سنچری بناکر مہندرا سنگھ دھونی سے بھارتی ریکارڈ چھین لیا۔

بھارتی وکٹ کیپر ریشابھ پنت نے شکاروں کی تیز ترین سنچری کا اعزاز جنوبی افریقہ سے جاری سنچورین ٹیسٹ میں حاصل کیا، یہ پنت کے کیریئر کا 26واں ٹیسٹ ہے، ٹیمبا باووما میچ کے تیسرے دن ان کا سنچری شکار ثابت ہوئے۔

دھونی اور ودرھیمان ساہا نے مشترکہ طور پر اپنے ابتدائی 100،100 کیچز / اسٹمپڈ 36،36 میچز میں مکمل کیے تھے، دھونی سردست 294 شکاروں کے ساتھ نمایاں ہیں۔