شاہین آفریدی کو دوا کا سہارا لیتے ہوئے بولنگ جاری رکھنا چاہیے تھیشعیب اختر

شعیب اختر کا کہنا ہے کہ شاہین شاہ آفریدی کو درد کش دوا کا سہارا لیتے ہوئے بولنگ جاری رکھنا چاہیے تھی۔

سابق اسپیڈ اسٹار شعیب اختر نے کہا کہ اہم ترین بولر ان فٹ ہوجائے تو ٹیم کیلیے مسئلہ پیدا ہوتا ہے، شاہین شاہ کبھی مکمل فٹ نہیں تھے، ہم ان کو الزام نہیں دے سکتے۔


انھوں نے گزشتہ میچز میں اچھا پرفارم کیا لیکن یہ ورلڈکپ فائنل تھا، اگر ٹانگ بھی ٹوٹ جائے جو ہونا ہے ہوجائے،بھاگتے رہیں اور کچھ کر دکھائیں، شاہین درد کش دوا لے سکتے تھے۔

مزید پڑھیں: شاہین شاہ آفریدی انگلینڈ کے خلاف ٹیسٹ سیریز سے باہر

سابق کرکٹر نے مزید کہا کہ یہ بات ضرور ہے کہ فائنل کیلیے منتخب کرکے آپ نوجوان پیسر کے کیریئر سے کھیل رہے تھے،یہ خطرہ مول لینا ہے یا نہیں کپتان کو پہلے سوچنا چاہیے تھا۔