پاکستانی ڈرامہ آج بھی ناظرین کی توجہ کا مرکز ہےبشریٰ انصاری

اداکارہ بشری انصاری نے کہا ہے کہ پاکستانی ڈرامہ ماضی کی طرح آج بھی ناظرین کی توجہ کامرکز ہے۔


ملک اوربیرون ملک پاکستانی ڈرامے کوپسند کرنیوالوں کی تعدادمیں اضافہ ہواہے، جس پرہمیں فخر کرنا چاہیے۔ ان خیالات کااظہاربشریٰ انصاری نے ''ایکسپریس'' سے گفتگوکرتے ہوئے کیا۔ انھوں نے کہا کہ پرائیویٹ پروڈکشن ہاؤسز اورنجی چینلز کے آنے سے ہمارے ملک میں بہت سے نوجوانوں کوبہترکام کرنے کا مواقع ملے ہیں۔

ڈائریکشن، پروڈکشن اور رائٹنگ کے شعبوں میں بہت سے باصلاحیت نوجوان اپنی صلاحیتوں کا لوہامنوارہے ہیں۔ ماضی میں بننے والے ڈرامے بلاشبہ بہت اعلیٰ تھے لیکن موجودہ دورمیںبھی بہترین کام کیا جارہاہے۔ بلکہ ماضی میں کچھ موضوعات پرہم بالکل ڈرامہ نہیں بناسکتے تھے لیکن اب اس طرح کی کوئی پابندی نہیں ہے۔ ہمارے معاشرے کے اہم مسائل کولے کرڈرامے بن رہے ہیں جس سے لوگوں تک اچھا پیغام پہنچ رہاہے۔