فلم انڈسٹری بچانے کا وقت ختم ہورہا ہے معمر رانا

اداکار معمر رانا نے کہا ہے کہ پاکستان فلم انڈسٹری میں نوجوان فلم میکرز کی آمد خوش آئند ہے۔


انٹرنیشنل مارکیٹ تک رسائی کے لیے نوجوان فلم میکرز کی کاوشوں کو جتنا بھی سراہا جائے وہ کم ہے۔ ان خیالات کا اظہار معمر رانا نے ''ایکسپریس'' سے گفتگو کرتے ہوئے کیا۔ انھوں نے کہا کہ آئندہ ہمیں فارمولہ فلموں کی بجائے نئے موضوعات تخلیق کرنا ہوں گے۔ پاکستانی فلم انڈسٹری کو بچانے کے لیے میسر وقت آہستہ آہستہ ختم ہورہا ہے اس لیے اب سب کو چاہیے کہ وہ ایک پلیٹ فارم پر اکٹھا ہونے کے لیے جد وجہد کریں۔