کراچی ڈاکوؤں کی فائرنگ سے ایک اور شہری جاں بحق 8 ماہ میں ہلاکتیں 93 ہوگئی
32 سالہ یعقوب گھر کے باہر بیٹھا تھا، ڈاکوؤں نے موبائل فون چھیننے کے دوران سر پر گولی مار دی
(فوٹو: فائل)
شہر قائد میں ڈاکوؤں کے ہاتھوں شہریوں کی ہلاکت کا معاملہ تھمنے کا نام نہیں لے رہا۔ ایک اور شہری ڈاکوؤں کی فائرنگ کا نشانہ بن کر جان کی بازی ہارگیا۔ رواں برس ڈاکوؤں کے ہاتھوں ہلاکتوں کی تعداد 93 ہو چکی ہے۔
شاہ لطیف ٹاؤن کے علاقے بابا رزاق ٹاؤن مدینہ مسجد کے قریب ڈاکوؤں نے لوٹ مار کے دوران مزاحمت پر ایک شخص کو فائرنگ کر کے قتل کر دیا جس کی لاش ضابطے کی کارروائی کے لیے جناح اسپتال لے جائی گئی۔
پولیس کے مطابق مقتول کی شناخت 32 سالہ یعقوب احمد کے نام سے کی گئی جو کہ گھر کے باہر بیٹھا ہوا تھا کہ اس دوران ڈاکوؤں نے اس سے موبائل فون چھیننے کے دوران سر پر گولی مار دی، جس کے باعث وہ موقع پر ہی جاں بحق ہوگیا۔ موقع پر موجود افراد نے ایک ڈاکو کو پکڑ کر پولیس کے حوالے کیا، جس سے پولیس نے گرفتار ڈاکو سجاد سے نائن ایم ایم پستول برآمد کرلیا۔
گرفتار ڈاکو کا آبائی تعلق سوات سے ہے جب کہ وہ کراچی میں قائد آباد مظفر آباد کالونی کا رہائشی ہے، جس کا ساتھی موقع سے فرار ہونے میں کامیاب ہوگیا۔ پولیس اس کی تلاش میں چھاپے مار رہی ہے ۔
شاہ لطیف ٹاؤن کے علاقے بابا رزاق ٹاؤن مدینہ مسجد کے قریب ڈاکوؤں نے لوٹ مار کے دوران مزاحمت پر ایک شخص کو فائرنگ کر کے قتل کر دیا جس کی لاش ضابطے کی کارروائی کے لیے جناح اسپتال لے جائی گئی۔
پولیس کے مطابق مقتول کی شناخت 32 سالہ یعقوب احمد کے نام سے کی گئی جو کہ گھر کے باہر بیٹھا ہوا تھا کہ اس دوران ڈاکوؤں نے اس سے موبائل فون چھیننے کے دوران سر پر گولی مار دی، جس کے باعث وہ موقع پر ہی جاں بحق ہوگیا۔ موقع پر موجود افراد نے ایک ڈاکو کو پکڑ کر پولیس کے حوالے کیا، جس سے پولیس نے گرفتار ڈاکو سجاد سے نائن ایم ایم پستول برآمد کرلیا۔
گرفتار ڈاکو کا آبائی تعلق سوات سے ہے جب کہ وہ کراچی میں قائد آباد مظفر آباد کالونی کا رہائشی ہے، جس کا ساتھی موقع سے فرار ہونے میں کامیاب ہوگیا۔ پولیس اس کی تلاش میں چھاپے مار رہی ہے ۔