رانی کی 21 ویں برسی آج منائی جائے گی
کیرئیر کا آغاز ’’محبوب‘‘ سے کیا، 1993 میں کینسر کے مرض کے باعث دم توڑ گئیں
کیرئیر کا آغاز ’’محبوب‘‘ سے کیا، 1993 میں کینسر کے مرض کے باعث دم توڑ گئیں۔ فوٹو : فائل
ISLAMABAD:
پاکستان فلم انڈسٹری پربرسوں راج کرنیوالی معروف اداکارہ رانی کی 21 ویں برسی آج منائی جائے گی۔ اس موقع پر مرحومہ کے اہلخانہ اپنی رہائشگاہ پر قرآن خوانی اور فاتح خوانی کروائینگے۔
تفصیلات کے مطابق 27 مئی 1993 کو لاہور میں وفات پانے والی اداکارہ رانی کینسر کے مرض میں متبلا تھیں اور کافی عرصہ تک اس مرض سے لڑتی رہیں لیکن جانبرنہ ہوسکیں۔ اداکارہ رانی کا اصل نام ناصرہ تھا۔ انھوں نے اپنے فنی کیرئیر کا آغازہدایتکار انور کمال پاشا کی فلم ''محبوب '' سے کیا اور اس کے بعد بہت سی شاہکار فلموں میں اداکاری کے جوہر دکھائے۔ ان کی تاریخی فلم ''امراؤجان ادا '' میں عمدہ پرفارمنس نے جہاں فلم کی کامیابی میں اہم کردار ادا کیا۔
وہیں ان کا نام پاکستان فلم انڈسٹری کے عظیم فنکاروں میں شامل کردیا۔ رانی نے فلم '' انجمن ، تہذیب ،سیتا، مریم مارگریٹ، شطرنج، چھوٹی امی ، عورت کا پیار اور چھوٹی بہن '' میں اداکاری کے جوہر دکھائے۔ ہدایتکار کیفی کی ڈائریکشن میں گلوکار واداکار عنایت حسین بھٹی کے ساتھ ان کی فلم '' جند جان، کوچوان، دنیا مطلب دی ''سمیت دیگر فلموں میں بھی کام کیا۔ ان کی اداکار وحید مراد اور شاہد کے ساتھ فلمی جوڑی بہت کامیاب رہی۔
انھوں نے ہدایتکار حسن طارق کے ساتھ شادی کی۔ ہدایتکار حسن طارق سے طلاق کے بعد اداکارہ رانی نے فلمساز جاوید قمر اوران سے علیحدگی کے بعد سابق کرکٹر سرفراز نواز کے ساتھ بھی شادی کی جو زیادہ دیر نہ چل سکی اوردونوں میں علیحدگی ہوگئی۔ اداکارہ رانی نے جہاں فلموں میں لازوال کردار نبھائے، وہیں انھوں نے پی ٹی وی کے ڈراموں میں بھی اداکاری کے جوہر دکھائے جن کو لوگ آج بھی یاد کرتے ہیں۔
پاکستان فلم انڈسٹری پربرسوں راج کرنیوالی معروف اداکارہ رانی کی 21 ویں برسی آج منائی جائے گی۔ اس موقع پر مرحومہ کے اہلخانہ اپنی رہائشگاہ پر قرآن خوانی اور فاتح خوانی کروائینگے۔
تفصیلات کے مطابق 27 مئی 1993 کو لاہور میں وفات پانے والی اداکارہ رانی کینسر کے مرض میں متبلا تھیں اور کافی عرصہ تک اس مرض سے لڑتی رہیں لیکن جانبرنہ ہوسکیں۔ اداکارہ رانی کا اصل نام ناصرہ تھا۔ انھوں نے اپنے فنی کیرئیر کا آغازہدایتکار انور کمال پاشا کی فلم ''محبوب '' سے کیا اور اس کے بعد بہت سی شاہکار فلموں میں اداکاری کے جوہر دکھائے۔ ان کی تاریخی فلم ''امراؤجان ادا '' میں عمدہ پرفارمنس نے جہاں فلم کی کامیابی میں اہم کردار ادا کیا۔
وہیں ان کا نام پاکستان فلم انڈسٹری کے عظیم فنکاروں میں شامل کردیا۔ رانی نے فلم '' انجمن ، تہذیب ،سیتا، مریم مارگریٹ، شطرنج، چھوٹی امی ، عورت کا پیار اور چھوٹی بہن '' میں اداکاری کے جوہر دکھائے۔ ہدایتکار کیفی کی ڈائریکشن میں گلوکار واداکار عنایت حسین بھٹی کے ساتھ ان کی فلم '' جند جان، کوچوان، دنیا مطلب دی ''سمیت دیگر فلموں میں بھی کام کیا۔ ان کی اداکار وحید مراد اور شاہد کے ساتھ فلمی جوڑی بہت کامیاب رہی۔
انھوں نے ہدایتکار حسن طارق کے ساتھ شادی کی۔ ہدایتکار حسن طارق سے طلاق کے بعد اداکارہ رانی نے فلمساز جاوید قمر اوران سے علیحدگی کے بعد سابق کرکٹر سرفراز نواز کے ساتھ بھی شادی کی جو زیادہ دیر نہ چل سکی اوردونوں میں علیحدگی ہوگئی۔ اداکارہ رانی نے جہاں فلموں میں لازوال کردار نبھائے، وہیں انھوں نے پی ٹی وی کے ڈراموں میں بھی اداکاری کے جوہر دکھائے جن کو لوگ آج بھی یاد کرتے ہیں۔