حکومت سندھ کا نالہ متاثرین کیلیے تیسرٹاؤن میں ہاؤسنگ اسکیم تعمیر کرنے کا فیصلہ
متاثرہ فرد/خاندان کو 80 مربع گز کا پلاٹ اور تعمیراتی لاگت دی جائے گی، اجلاس میں نگراں وزیراعلیٰ کو بریفنگ
فوٹو: فائل
نگراں وزیراعلیٰ سندھ جسٹس (ر) مقبول باقر نے گجر، محمود آباد اور اورنگی نالہ کے متاثرین کے لیے تیسر ٹاؤن میں ہاؤسنگ اسکیم تعمیر کرنے کی ہدایت کردی۔
جسٹس (ر) مقبول باقر نے اجلاس کی صدارت کرتے ہوئے محکمہ بلدیات کو ہدایت کی ہے کہ اندرونی ڈیولپمنٹ کا کام شروع کیا جائے، یہ ہدایات انہوں نے جمعرات کو وزیراعلیٰ ہاؤس میں دوران اجلاس دیں۔
اجلاس میں وزیر بلدیات مبین جمانی، وزیر قانون عمر سومرو، میئر کراچی مرتضیٰ وہاب، چیف سیکریٹری ڈاکٹر فخر عالم، سیکریٹری بلدیات منظور شیخ، سیکریٹری خزانہ کاظم جتوئی، سیکریٹری قانون علی احمد بلوچ، کمشنر کراچی سلیم راجپوت، ڈی جی ایم ڈی اے نسیم سہتو اور دیگر متعلقہ افسران نے شرکت کی۔
نگراں وزیراعلیٰ سندھ کو بریفنگ دیتے ہوئے سیکرٹری بلدیات منظور شیخ نے بتایا کہ ملیر ڈویلپمنٹ اتھارٹی کی تیسر ٹاؤن سکیم-45، سیکٹر 16 میں گجر، محمود آباد اور اورنگی نالوں کے 6500 متاثرہ افراد کے لیے 137.74 ایکڑ اراضی مختص کی گئی ہے۔
انہوں نے بتایا کہ سندھ حکومت ہر متاثرہ فرد/خاندان کو 80 مربع گز کا پلاٹ الاٹ کرے گی اور پلاٹ کا قبضہ ٹائٹل کے ساتھ اور تمام تر مسائل حل کرنے کے ساتھ تعمیراتی لاگت بھی متاثرہ افراد کو ادا کی جائے گی۔
نگراں وزیراعلیٰ سندھ نے ایم ڈی اے کو ہدایت کی کہ وہ ایک آرکیٹیکٹ کو مقرر کریں تاکہ نالے سے متاثرہ افراد کے لیے ہاؤسنگ اسکیم کی مناسب ترقی ہو سکے۔
انہوں نے ایم ڈی اے کو ہدایت کی کہ ہاؤسنگ اسکیم کے لیے ایک پارک، ایک کھیل کا میدان، ایک اسکول اور ایک مسجد تیار کی جائے اور اسے گیس، پانی اور بجلی جیسی تمام سہولیات سے آراستہ کیا جائے۔
جسٹس (ر) مقبول باقر نے محکمہ خزانہ کو ہدایت کی کہ فنڈز جاری کیے جائیں تاکہ ہاؤسنگ اسکیم کی اندرونی اور بیرونی ترقی شروع کی جاسکے۔
انہوں نے مزید کہا کہ وہ ذاتی طور پر علاقے کا دورہ کریں گے تاکہ یہ معلوم کیا جا سکے کہ کیا معیاری کام ہو رہا ہے۔ نگراں وزیراعلیٰ سندھ نے ایم ڈی اے کو ہدایت کی کہ ترقیاتی کام شروع کرکے 6 ماہ میں مکمل کرنے کی کوشش کی جائے۔
انہوں نے کہا کہ ہم نے متاثرہ افراد کو جگہ دینے میں پہلے ہی بہت دیر کر دی ہے اور اب اسے جنگی بنیادوں پر کیا جانا چاہیے۔
جسٹس (ر) مقبول باقر نے اجلاس کی صدارت کرتے ہوئے محکمہ بلدیات کو ہدایت کی ہے کہ اندرونی ڈیولپمنٹ کا کام شروع کیا جائے، یہ ہدایات انہوں نے جمعرات کو وزیراعلیٰ ہاؤس میں دوران اجلاس دیں۔
اجلاس میں وزیر بلدیات مبین جمانی، وزیر قانون عمر سومرو، میئر کراچی مرتضیٰ وہاب، چیف سیکریٹری ڈاکٹر فخر عالم، سیکریٹری بلدیات منظور شیخ، سیکریٹری خزانہ کاظم جتوئی، سیکریٹری قانون علی احمد بلوچ، کمشنر کراچی سلیم راجپوت، ڈی جی ایم ڈی اے نسیم سہتو اور دیگر متعلقہ افسران نے شرکت کی۔
نگراں وزیراعلیٰ سندھ کو بریفنگ دیتے ہوئے سیکرٹری بلدیات منظور شیخ نے بتایا کہ ملیر ڈویلپمنٹ اتھارٹی کی تیسر ٹاؤن سکیم-45، سیکٹر 16 میں گجر، محمود آباد اور اورنگی نالوں کے 6500 متاثرہ افراد کے لیے 137.74 ایکڑ اراضی مختص کی گئی ہے۔
انہوں نے بتایا کہ سندھ حکومت ہر متاثرہ فرد/خاندان کو 80 مربع گز کا پلاٹ الاٹ کرے گی اور پلاٹ کا قبضہ ٹائٹل کے ساتھ اور تمام تر مسائل حل کرنے کے ساتھ تعمیراتی لاگت بھی متاثرہ افراد کو ادا کی جائے گی۔
نگراں وزیراعلیٰ سندھ نے ایم ڈی اے کو ہدایت کی کہ وہ ایک آرکیٹیکٹ کو مقرر کریں تاکہ نالے سے متاثرہ افراد کے لیے ہاؤسنگ اسکیم کی مناسب ترقی ہو سکے۔
انہوں نے ایم ڈی اے کو ہدایت کی کہ ہاؤسنگ اسکیم کے لیے ایک پارک، ایک کھیل کا میدان، ایک اسکول اور ایک مسجد تیار کی جائے اور اسے گیس، پانی اور بجلی جیسی تمام سہولیات سے آراستہ کیا جائے۔
جسٹس (ر) مقبول باقر نے محکمہ خزانہ کو ہدایت کی کہ فنڈز جاری کیے جائیں تاکہ ہاؤسنگ اسکیم کی اندرونی اور بیرونی ترقی شروع کی جاسکے۔
انہوں نے مزید کہا کہ وہ ذاتی طور پر علاقے کا دورہ کریں گے تاکہ یہ معلوم کیا جا سکے کہ کیا معیاری کام ہو رہا ہے۔ نگراں وزیراعلیٰ سندھ نے ایم ڈی اے کو ہدایت کی کہ ترقیاتی کام شروع کرکے 6 ماہ میں مکمل کرنے کی کوشش کی جائے۔
انہوں نے کہا کہ ہم نے متاثرہ افراد کو جگہ دینے میں پہلے ہی بہت دیر کر دی ہے اور اب اسے جنگی بنیادوں پر کیا جانا چاہیے۔