سندھ میں کئی ممالک سے تعلق رکھنے والے خواجہ سرا مقیم ہیں

سندھ میں کئی ممالک سے تعلق رکھنے والے 70 کے لگ بھگ خواجہ سرا مقیم ہیں۔

وفاقی ادارہ شماریات کی جانب سے جاری کردہ مردم شماری 2023 کے اعداد و شمار کے مطابق سندھ میں مجموعی طور پر 2 لاکھ 11 ہزار 660 غیر ملکی شہری رہائش پذیر ہیں جن میں 4 سال کے بچے سے لے کر 75 سال سے زائد عمر کے افراد شامل ہیں۔


اعداد و شمار کے مطابق سندھ میں سب سے زیادہ افغان شہری آباد ہیں جن کی تعداد 1 لاکھ 45 ہزار 875 ہے جبکہ 24 ہزار 137 بنگالی، 757 چینی اور 40 ہزار 891 دیگر ممالک کے باشندے شامل ہیں۔

اعداد و شمار کے مطابق صوبہ سندھ میں 15 افغانی، 11 بنگالی، 8 چینی اور 35 دیگر ممالک کے خواجہ سرا بھی مقیم ہیں۔ ان خواجہ سراؤں میں سے 11 کی عمر 75 سال سے زائد ہے۔