کراچی؛ قذافی ٹاؤن برج پر کنٹینر سے لدا ٹرالر الٹ گیا

قذافی ٹاؤن برج پر کنٹینر سے لدا ٹرالر الٹ گیا تاہم حادثے میں کوئی جانی نقصان نہیں ہوا۔

تفصیلات کے مطابق اتوار کی صبح قذافی ٹاؤن برج پر کنٹینر سے لدا ٹرالر الٹ گیا، حادثے کے باعث قذافی ٹاؤن برج پر ٹریفک کی آمد و رفت متاثر ہوگئی۔

ٹریفک پولیس حکام کا کہنا تھا کہ ٹرالر کو سیدھا کر دیا گیا ہے، کچھ دیر میں ٹرالر کو سڑک سے ہٹا کر سڑک کو ٹریفک کے لیے بحال کر دیا جائے گا۔