49 سالہ فرحان علی آغا کی فٹنس کا راز کیا ہے

فرحان علی آغا نے جم میں ورزش کرتے اپنی تصاویر شیئر کی ہیں

ویب ڈیسک | February 17, 2025

درحان علی آغا اپنی فٹنس اور ڈائیٹ پر بھرپور توجہ دیتے ہیں

معروف اداکار فرحان علی آغا نے جم میں ورزش کرنے کی اپنی ویڈیوز اور تصاویر شئیر کی ہیں جس میں مداحوں کو بھی اپنی فٹنس کا خیال کرنے کی ترغیب دی گئی ہے۔

فرحان علی آغا ایک ورسٹائل فنکار ہیں۔ اداکاری اور میزبانی کے میدان میں یکساں طور پر مقبول ہیں۔

اداکار جہاں اپنے کردار اور کہانی کے چناؤ میں باریک بینی سے کام لیتے ہیں ویسے ہی اپنی فٹنس کا بھی بہت خیال رکھتے ہیں۔

فرحان علی آغا 49 سال کے ہونے کے باوجود چست اور توانا نظر آتے ہیں اور حال ہی میں ان کی شیئر کی گئی تصاویر دیکھ کر صارفین حیران رہ گئے۔

تصاویر میں دیکھا جا سکتا ہے کہ فرحان علی آغا جم میں پورے انہماک کے ساتھ باڈی بلڈنگ اور ورزش کر رہے ہیں۔

ان کی فٹنس قابل رشک اور متاثر کن ہے۔ ان تصاویر کا مقصد مداحوں کو بھی ورزش کی اہمیت اور افادیت سے آگاہ کرنا تھا۔

فرحان علی آغا مختلف شوز میں بھی اپنی فٹنس اور ڈائیٹ کے بارے میں بات کرتے نظر آتے رہے ہیں اور مختلف پلیٹ فارمز پر نوجوانوں کو ٹپس بھی دیتے ہیں۔

فرحان علی آغا نے اپنی فٹنس کا راز پانی کا زیادہ استعمال، ورزش، ڈائیٹ اور اسٹریس سے دور رہنا بتایا ہے۔